युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । गायिका बिष्णु माया पौडेलको स्वरमा रहेको नयाँ तीज गीत ‘दुई सय तोला सुन’ सार्वजनिक भएको २४ घण्टा नबित्दै सामाजिक सञ्जालमा भाइरल बन्न थालेको छ। बिष्णु माया पौडेल युट्युब च्यानलमार्फत शुक्रबार सार्वजनिक गरिएको गीतले दर्शक तथा श्रोतामाझ तीव्र चर्चा बटुलिरहेको छ।
गीत सार्वजनिक भएसँगै टिकटक, फेसबुक रिल्स तथा अन्य डिजिटल प्लेटफर्महरूमा प्रयोगकर्ताहरूले गीतमा आधारित भिडियो बनाउन थालेका छन्। विशेषगरी युवापुस्तामाझ गीतका शब्द र लय लोकप्रिय बन्दै गएको देखिएको छ।
‘दुई सय तोला सुन’ मा आरबी केसीको शब्द तथा संगीत रहेको छ भने भिडियोमा अस्मिता जुरेली, आरती बुढा र गायिका बिष्णु माया पौडेल स्वयंको आकर्षक प्रस्तुति देख्न सकिन्छ। छायांकन रामकुमार केसीले गरेका हुन् भने कोरियोग्राफी दिपेश एसकेको रहेको छ।
तीज पर्वलाई लक्षित गर्दै निर्माण गरिएको गीतमा आधुनिक समाजको जीवनशैली र तीजको रमाइलो परिवेशलाई समेटिएको छ। सार्वजनिक भएको छोटो समयमै गीतले उल्लेख्य दर्शकको साथ पाउन थालेपछि यसलाई यस वर्षको चर्चित तीज गीतमध्ये एकका रूपमा हेरिन थालिएको छ।
गीतको लोकप्रियतासँगै टिकटक प्रयोगकर्ताहरूले विभिन्न शैलीमा भिडियो निर्माण गरिरहेका छन् भने सामाजिक सञ्जालमा गीतका अंशहरू व्यापक रूपमा सेयर भइरहेका छन्। यसले डिजिटल प्लेटफर्ममा गीतको पहुँच अझ विस्तार हुने संकेत देखिएको छ।
गायिका पौडेलले गीतलाई माया गर्ने सम्पूर्ण दर्शक तथा श्रोताप्रति आभार व्यक्त गर्दै गीत हेर्न, सुन्न, सेयर गर्न र टिकटक भिडियोमार्फत थप प्रचारप्रसार गर्न आग्रह गरेकी छन्।
सम्बादाता
काठमाडौं। निरन्तर वर्षासँगै सप्तकोशी नदीमा पानीको बहाव बढेपछि कोशी ब्यारेजका २५ वटा ढोका खोलिएको छ। ...
प्रतिक्रिया
No approved comments yet. Be the first to comment!