युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं मङ्सिर १६ — प्रभु बैंकमा देखिएको ठगी र बैंकिङ अनियमितता प्रकरण बीच निलम्बित सीईओ अशोक शेरचन पक्राउ पर्नबाट जोगिन नेपाल राष्ट्र बैंकबाट सूचना ‘लिक’ भएको दाबी सार्वजनिक भएपछि राष्ट्र बैंकले कडाइका साथ अस्वीकार गरेको छ। भूतपूर्व अध्यक्ष देवी भट्टचनसँगै शेरचन पनि सोही दिन नियन्त्रणमा जान सक्थे भन्ने चर्चा चलिरहेका बेला उठेको प्रश्नमा राष्ट्र बैंकले प्रतिक्रिया दिँदै भन्यो, “राष्ट्र बैंकबाट कुनै पनि सूचना लिक भएको छैन।”
राष्ट्र बैंकका सूचना अधिकारी सुमन न्यौपानेका अनुसार CIB लाई आवश्यक सहयोग विधिअनुसार भइरहेको छ, तर कसलाई कहिले पक्राउ गर्ने भन्ने विषय पूर्ण रूपमा अनुसन्धान निकायको अधिकारक्षेत्रमा पर्छ। कथित ‘लिक’ सम्बन्धी दाबीहरू आधारहीन भएको राष्ट्र बैंकको दाबी छ।
यसैबीच, केन्द्रीय अनुसन्धान ब्युरो (CIB) ले शेरचनसहित तीन उच्च अधिकारीलाई पक्राउ गरिसकेको छ। उनीहरूको म्याद अदालतले थप ५ दिनका लागि बढाएपछि सम्भावित वित्तीय अनियमितता, कर्जा स्वीकृतिमा हेरफेर र आन्तरिक नियमन कमजोर भएको आशंकामाथि छानबिन तीव्र बनेको छ।
बैंकले छानबिनमै तानिएका कर्मचारी निरज लम्साललाई कार्यबाहक सीईओ नियुक्त गरेको कदम पनि विवादमा आएको छ। यसबारे उठेको प्रश्नमा राष्ट्र बैंकले स्पष्ट गर्दै भन्यो, “सीईओ नियुक्ति सञ्चालक समितिको अधिकार हो; यसमा नियामक हस्तक्षेप गर्ने क्षेत्र होइन।”
CIB ले अनुसन्धानलाई ‘ओपन–एन्डेड’ राखेको छ र आवश्यक परे थप व्यक्तिहरूलाई पनि सोधपुछ वा अन्य प्रक्रियामा लैजान सकिने संकेत गरेको छ। बैंकभित्रका कर्जा स्वीकृति, निर्णय–श्रृंखला र आन्तरिक लेखापरीक्षण कमजोर रहेको आशंकाले अनुसन्धान अझ विस्तारिन सक्ने बताइएको छ।
सम्बादाता
उत्तरी रसुवामा निर्माणाधीन रसुवागढी जलविद्युत् आयोजनाको विद्युत्गृहमा उपकरण जडान कार्य द्रुतरूपमा अग ...
प्रतिक्रिया