युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
सम्बादाता
काठमाडौं । प्रधानमन्त्री बालेन्द्र शाहले बुद्धले देखाएको शान्ति, करुणा, अहिंसा र मानवताको बाटोमा विश्वका सबै मानिस हिँड्न सकून् भन्ने कामना गरेका छन्।
संयुक्त राष्ट्रसङ्घको ८१औँ महासभालाई सम्बोधन गर्दै प्रधानमन्त्री शाहले नेपाल शान्ति, सहअस्तित्व र मानवताको पक्षमा रहेको बताएका हुन्। उनले विश्वमा बढ्दै गएको द्वन्द्व, हिंसा र संकटको समाधानका लागि संवाद, सहकार्य र शान्तिको बाटो आवश्यक रहेकोमा जोड दिएका छन्।
प्रधानमन्त्री शाहले नेपाल भगवान गौतम बुद्धको जन्मभूमि तथा विभिन्न धार्मिक, सांस्कृतिक र आध्यात्मिक परम्पराको भूमि भएको उल्लेख गर्दै मानवताका साझा मूल्यलाई आत्मसात् गर्नुपर्ने बताएका छन्।
उनले बुद्धले देखाएको बाटोले शान्ति, करुणा, अहिंसा र सहअस्तित्वको सन्देश दिएको भन्दै त्यसबाट विश्व समुदायले प्रेरणा लिनुपर्ने धारणा राखेका छन्।
प्रधानमन्त्री शाहले नेपालका धार्मिक तथा सांस्कृतिक आस्थाप्रति सम्मान व्यक्त गर्दै भगवान पशुपतिनाथले नेपालसहित विश्वभरका सबै मानिसको रक्षा गरून् भन्ने कामनासमेत गरेका छन्।
उनले विश्वमा शान्ति र स्थायित्व कायम गर्न सबै देशबीच सहकार्य आवश्यक रहेको बताए। मानव जीवन, प्रकृति र भावी पुस्ताको सुरक्षाका लागि साझा प्रयास अघि बढाउनुपर्नेमा पनि उनले जोड दिएका छन्।
प्रधानमन्त्री शाहले नेपालले विश्व शान्ति, सहअस्तित्व, मानव अधिकार र दिगो विकासका पक्षमा आफ्नो भूमिका निरन्तर निर्वाह गर्ने प्रतिबद्धता व्यक्त गरेका छन्।
सम्बादाता
चितवन । भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावल भोलि बिहान चितव ...
प्रतिक्रिया
No approved comments yet. Be the first to comment!