युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । स्ट्रेट अफ होर्मुज नजिक अमेरिकी अपाचे हेलिकोप्टर खसालिएको घटनापछि संयुक्त राज्य अमेरिकाले इरानको केशम टापुमा सैन्य आक्रमण गरेको छ। घटनापछि मध्यपूर्वमा तनाव थप चर्किएको छ भने दुवै देशबीच प्रत्यक्ष सैन्य टकरावको जोखिम बढेको अन्तर्राष्ट्रिय सञ्चारमाध्यमहरूले जनाएका छन्।
अमेरिकी राष्ट्रपति डोनाल्ड ट्रम्पले हेलिकोप्टर खसालिएको घटनाका लागि इरानलाई जिम्मेवार ठहर गर्दै कडा प्रतिकार गरिने चेतावनी दिएका थिए। सोही चेतावनीअनुसार अमेरिकी सेनाले होर्मुज जलडमरूमध्यस्थित केशम टापुमा लक्षित आक्रमण गरेको बताइएको छ।
इरानको सरकारी सञ्चारमाध्यमका अनुसार केशम टापु क्षेत्रमा शक्तिशाली विस्फोटको आवाज सुनिएको थियो। प्रारम्भिक विवरणअनुसार आक्रमण राजधानी तेहरान वा अन्य प्रमुख सहरमा नभई केशम टापुमा केन्द्रित रहेको जनाइएको छ। यद्यपि आक्रमणबाट भएको मानवीय तथा भौतिक क्षतिको विस्तृत विवरण सार्वजनिक गरिएको छैन।
स्ट्रेट अफ होर्मुज विश्वकै महत्वपूर्ण समुद्री व्यापार मार्गमध्ये एक मानिन्छ। विश्वको ठूलो परिमाणमा तेल तथा ग्यास यही मार्ग हुँदै ओसारपसार हुने भएकाले यहाँको सुरक्षा अवस्थालाई अन्तर्राष्ट्रिय समुदायले चासोका साथ हेर्ने गरेको छ। पछिल्ला घटनाक्रमले विश्व ऊर्जा बजारमा समेत असर पर्ने चिन्ता बढाएको छ।
अमेरिकी आक्रमणपछि इरानले पनि कडा प्रतिक्रिया जनाउँदै आफ्नो सार्वभौमिकतामाथिको हस्तक्षेपको उचित जवाफ दिने चेतावनी दिएको छ। इरानी अधिकारीहरूले अमेरिकी कदमले क्षेत्रीय स्थिरतामा गम्भीर असर पार्ने बताएका छन्।
अमेरिका र इरानबीचको पछिल्लो सैन्य तनावले मध्यपूर्व फेरि अस्थिर बन्ने संकेत देखिएको छ। दुवै पक्षबाट आक्रामक अभिव्यक्ति आउन थालेपछि अन्तर्राष्ट्रिय समुदायले संयमता अपनाउन र तनाव कम गर्न आग्रह गरिरहेको छ। युद्ध थप चर्किएमा त्यसको प्रभाव केवल मध्यपूर्वमा मात्र नभई विश्व अर्थतन्त्र र ऊर्जा आपूर्तिमा समेत पर्ने विश्लेषण गरिएको छ।
सम्बादाता
कैलालीको टिकापुर अस्पतालभित्र एक कर्मचारीमाथि कुटपिट भएको घटना सार्वजनिक भएपछि प्रहरीले आरोपित कर् ...
प्रतिक्रिया
No approved comments yet. Be the first to comment!