युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं। नेपाल वैदेशिक रोजगार व्यवसायी संघको आगामी निर्वाचनका लागि लोकतान्त्रिक समूहले अध्यक्ष पदका उम्मेदवार मेघनाथ भुर्तेल नेतृत्वको आधिकारिक प्यानल सार्वजनिक गरेको छ । पूर्व अध्यक्ष भुवनसिंहको पूर्ण समर्थन प्राप्त भएपछि भुर्तेल नेतृत्वको समूहले अत्यधिक बहुमतसहित विजयी हुने दाबी गरेको छ ।
लोकतान्त्रिक समूहले सार्वजनिक गरेको चुनावी प्रचार सामग्रीमार्फत अध्यक्ष पदका उम्मेदवार मेघनाथ भुर्तेलसहित सम्पूर्ण प्यानललाई मतदान गरी विजयी गराउन व्यवसायीहरूसँग अपिल गरेको हो । समूहले वैदेशिक रोजगार व्यवसायीको हक, हित र सम्मानका मुद्दालाई केन्द्रमा राख्दै चुनावी अभियान सञ्चालन गरिरहेको जनाएको छ ।
सार्वजनिक प्यानलअनुसार अध्यक्ष पदमा मेघनाथ भुर्तेल उम्मेदवार रहेका छन् । प्रथम उपाध्यक्षमा कर्णराज कटुवाल, द्वितीय उपाध्यक्षमा रविन मंगले मगर र लक्ष्मण पौडेल, महासचिवमा अमरप्रकाश तिवारी, सचिवमा राजकाजी भोलान (राज लामा) तथा कोषाध्यक्षमा विद्यालक्ष्मी बज्राचार्य उम्मेदवार रहेका छन् ।
त्यसैगरी सदस्य पदमा राजेश मैनाली, कैलाश पाठक, देवबहादुर गौतम (सचिन), टंकप्रसाद फुँयाल, गीता राउत, भिममाया कार्की, दीक्षा थपलिया, रोशना निरौला, दीपककुमार देव र हिरालाल गौडेल चुनावी प्रतिस्पर्धामा रहेका छन् ।
अध्यक्षका उम्मेदवार भुर्तेलले व्यवसायीको विश्वास जित्दै संघलाई थप सशक्त, व्यवस्थित र व्यवसायीमैत्री संस्था बनाउने प्रतिबद्धता व्यक्त गरेका छन् । उनले व्यवसायीका समस्या समाधान, व्यवसायिक वातावरण सुधार तथा संस्थागत मर्यादा अभिवृद्धिका लागि आफूले स्पष्ट कार्ययोजना अघि सारेको बताएका छन् ।
पूर्व अध्यक्ष भुवनसिंहको समर्थनले लोकतान्त्रिक समूहको अभियानलाई थप बल पुगेको समूहका नेताहरूको भनाइ छ । संघको नेतृत्व गरिसकेका अनुभवी व्यक्तित्वको समर्थनले व्यवसायीमाझ सकारात्मक सन्देश गएको र चुनावी माहोल आफ्नो पक्षमा बन्दै गएको दाबी समूहले गरेको छ ।
२४ जेठमा हुने निर्वाचनलाई लक्षित गर्दै विभिन्न समूहले प्रचारप्रसारलाई तीव्रता दिएका छन् । चुनाव नजिकिँदै जाँदा व्यवसायीहरूबीच नेतृत्व चयनबारे व्यापक छलफल भइरहेको छ भने लोकतान्त्रिक समूहले आफ्नो प्यानललाई अत्यधिक बहुमतसहित विजयी गराउने विश्वास व्यक्त गरेको छ ।
सम्बादाता
प्रतिनिधि सभा बैठक बुधबार बिहान ११ बजेसम्मका लागि स्थगित गरिएको छ। विपक्षी दलको निरन्तर अवरोधका कारण ...
प्रतिक्रिया
No approved comments yet. Be the first to comment!