युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
भैरहवा, कार्तिक १३ — नेकपा (एमाले) निकट अखिल नेपाल ट्रेड युनियन महासंघ (जिफन्ट) का केन्द्रीय उपाध्यक्ष कमल गौतमको हृदयघातका कारण निधन भएको छ।
गौतम बिहीबार भैरहवास्थित नेपाल विद्युत् प्राधिकरणको कार्यालय अगाडि भएको विरोध कार्यक्रममा भाषणकै क्रममा बेहोस भएर ढलेका थिए। उनलाई तत्काल मणिग्रामस्थित क्रिमसन अस्पताल पुर्याइएको थियो, जहाँ चिकित्सकले मृत घोषणा गरेका हुन्।
अस्पतालका जनसम्पर्क अधिकृत चन्द्रकान्त बस्यालका अनुसार ६५ वर्षीय गौतमको मृत्यु हृदयघातका कारण भएको हो।
बुटवल उपमहानगरपालिका–३ ज्योतिनगर निवासी गौतम नेकपा (एमाले) का केन्द्रीय सदस्य समेत हुन्। सन् १९९७ (साल २०५४) देखि पार्टी र मजदुर संगठनमा सक्रिय उनी दुई छोरा र श्रीमतीसहितको परिवार रहेका छन्।
गौतम सहभागी भएको कार्यक्रम बुटवल–भैरहवा औद्योगिक करिडोरका उद्योगहरूमा विद्युत् प्राधिकरणले ‘ट्रंकलाइन’ प्रयोग गरेको भन्दै १० उद्योगमा विद्युत् लाइन काटेको विरोधमा उद्योगी र मजदुर संगठनले संयुक्तरूपमा आयोजना गरेको थियो।
कार्यक्रममा मजदुर पक्षबाट वक्ताका रूपमा रहेका गौतमले भाषण सुरु गरेको केही क्षणमै ढलेपछि कार्यक्रम स्थगित गरिएको थियो।
सम्बादाता
उत्तरी रसुवामा निर्माणाधीन रसुवागढी जलविद्युत् आयोजनाको विद्युत्गृहमा उपकरण जडान कार्य द्रुतरूपमा अग ...
प्रतिक्रिया