युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । जल तथा मौसम विज्ञान विभागले आज देशका चार प्रदेशमा भारीदेखि धेरै भारी वर्षाको सम्भावना रहेको भन्दै सर्वसाधारणलाई सतर्कता अपनाउन आग्रह गरेको छ।
विभागका अनुसार हाल देशभर मनसुनी वायुको प्रभाव कायम छ भने मनसुनको न्यूनचापीय रेखा नेपालको तराई भूभाग नजिक उत्तरतर्फ रहेकाले वर्षाको गतिविधि बढेको हो।
आज कोशी, बागमती, गण्डकी र लुम्बिनी प्रदेशका विभिन्न स्थानमा मेघगर्जन, चट्याङसहित मध्यमदेखि भारी वर्षा हुने पूर्वानुमान गरिएको छ। विशेषगरी पहाडी तथा तराई क्षेत्रका केही स्थानमा भारीदेखि धेरै भारी वर्षा हुन सक्ने मौसमविद्ले बताएका छन्।
वर्षाका कारण नदी तथा खोलामा पानीको बहाव बढ्न सक्ने, पहाडी क्षेत्रमा पहिरो जान सक्ने तथा सडक यातायात प्रभावित हुन सक्ने भएकाले यात्रा गर्दा विशेष सावधानी अपनाउन विभागले सुझाव दिएको छ।
जोखिमयुक्त क्षेत्रमा बसोबास गर्ने नागरिकलाई आवश्यक सतर्कता अपनाउन र मौसमसम्बन्धी अद्यावधिक जानकारी नियमित रूपमा लिन पनि आग्रह गरिएको छ।
मौसम विभागका अनुसार रातिको समयमा पनि कोशी, बागमती, गण्डकी र लुम्बिनी प्रदेशका धेरै स्थानमा वर्षा जारी रहने सम्भावना रहेको छ। हिमाली क्षेत्रमा हल्का हिमपातसमेत हुन सक्ने जनाइएको छ।
लगातारको वर्षासँगै बाढी, डुबान र पहिरोको जोखिम बढ्न सक्ने भएकाले स्थानीय प्रशासन तथा सम्बन्धित निकायलाई समेत आवश्यक तयारी अवस्थामा रहन विभागले अनुरोध गरेको छ।
सम्बादाता
काठमाडौं । विश्वकै अग्रणी कृत्रिम बुद्धिमत्ता (एआई) तथा चिप निर्माण कम्पनी एनभिडियाका संस्थापक एवं प ...
प्रतिक्रिया
No approved comments yet. Be the first to comment!