युनिकोड
मिति
रूपान्तरण 
खोज पत्रकारिता
खोज पत्रकारिता
संम्बाददाता
काठमाडौं । खाडी मुलुकमा कार्यरत तथा त्यहाँ जान लागेका नेपाली श्रमिकहरू अहिले गम्भीर दोहोरो दबाबमा छन्। एकातिर मध्यपूर्वमा बढ्दो युद्धको त्रास छ भने अर्कोतिर नेपालमै रोजगारी अभावका कारण विदेश नगए जीविकोपार्जन कठिन हुने अवस्था छ। छोटो बिदामा घर आएका धेरै कामदारलाई साथीभाइले असुरक्षाका कारण नफर्किन सुझाव दिए पनि राम्रो आम्दानी गुम्ने डरले उनीहरू पुनः विदेश जान बाध्य छन्।
कतिपयले “जाँदा ज्यानको डर, नजाँदा परिवार पाल्न नसक्ने अवस्था” भएको गुनासो गरेका छन्। उता विदेशमा रहेका केही श्रमिक भने असुरक्षा, बम हमलाको त्रास र आर्थिक मन्दीका कारण स्वदेश फर्किन चाहन्छन्, तर परिवारको जिम्मेवारी र वैकल्पिक आम्दानी नहुँदा निर्णय गर्न सकिरहेका छैनन्।
यसबीच नेपाल सरकारले सुरक्षाको अवस्थालाई ध्यानमा राख्दै केही देशका लागि श्रम स्वीकृति अस्थायी रूपमा रोकेको थियो। पछि श्रमिकको दबाब र आवश्यकताका आधारमा साउदी अरब, यूएई, कतार लगायत देशका लागि पुनः श्रम स्वीकृति खुला गरिएको छ। अहिले दैनिक हजारभन्दा बढी नेपालीले पुनः श्रम स्वीकृति लिइरहेका छन्।
समग्रमा भन्नु पर्दा वैदेशिक रोजगार नेपालीहरूका लागि अझै बाध्यता नै बनेको देखिन्छ, जहाँ जोखिम हुँदाहुँदै पनि परिवारको भविष्यका लागि विदेश जानुको विकल्प सीमित छ।
संम्बाददाता
काठमाडौँ ।सुधन गुरुङले गृहमन्त्री पदबाट राजीनामा दिएसँगै सरकारभित्र नयाँ समीकरण र नेतृत्वबारे चर्चा ...
प्रतिक्रिया
No approved comments yet. Be the first to comment!