युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं,मङ्सिर १५ — प्रभु बैंक लिमिटेडमा देखिएको ठगी र बैंकिङ कसुरको जालो गहिरिँदै गएपछि बैंकका शीर्ष अधिकारीहरूलाई नियन्त्रणमा लिएर अनुसन्धान अघि बढाइएको छ। यसैक्रममा प्रमुख कार्यकारी अधिकृत (CEO) अशोक शेरचन, उप प्रमुख कार्यकारी अधिकृत (DCEO) मणिराम पोख्रेल र प्रमुख ऋण अधिकृत (CCO) रिवाश श्रेष्ठलाई बैंकिङ कसुर र ठगी सम्बन्धी मुद्दामा पक्राउ गरी अनुसन्धान भइरहेको छ।
उक्त तीनै अधिकारीको बैंकिङ्ग कसुर मुद्दाको अनुसन्धानका लागि उच्च अदालत पाटनका न्यायाधीश लेखनाथ पौडेल र गीता प्रसाद तिम्सिनाको इजलासले आज ५ दिन म्याद थप गरेको छ। यसले CIBलाई थप प्रमाण संकलन र अनुसन्धानलाई विस्तार गर्न समय मिल्नेछ।
प्रहरी र अनुसन्धान टोलीले बैंकका वित्तीय अभिलेख, पेश्की हिनामिना, कागजात हेरफेर तथा अन्य अनियमिततासँग सम्बन्धित तथ्यांकको विस्तृत अध्ययन गरिसकेको छ। यस क्रममा अन्य केही कर्मचारीहरू पनि अनुसन्धानको दायरामा समावेश भएका छन्।
तर प्रभु बैंकका प्रमुख व्यवसाय अधिकृत रश्मि पन्त हालसम्म फरार छिन्। उनको खोजी र पक्राउका लागि प्रहरीले विशेष टोली परिचालन गरेको छ र सक्रिय रूपमा खोजी जारी छ।
प्रारम्भिक अनुसन्धानका क्रममा नेपाल राष्ट्र बैंकका केही उच्च पदस्थ कर्मचारीहरूको संलग्नता हुन सक्ने आशंका पनि गरिएको छ। बैंकिङ नियामक निकायले घटनालाई गम्भीरतापूर्वक लिन थालेको छ।
विशेषज्ञहरूले भनेका छन् कि यस्तो ठगी र बैंकिङ कसुरले बैंकको वित्तीय स्वास्थ्यमा मात्र नभई आम नागरिकको लगानी र बैंकप्रति विश्वासमा पनि ठूलो असर पार्नेछ। CIBले थप प्रमाण जुटाएपछि अन्य संलग्न व्यक्तिहरूको नाम सार्वजनिक गर्ने तयारीमा रहेको छ।
प्रहरी र CIBको निरन्तर अनुसन्धान, बैंकका उच्च अधिकारीहरूको गतिविधि र वित्तीय लेनदेनको गहन अध्ययनले अब आगामी दिनमा थप गिरफ्तारी र मुद्दा दायर हुने सम्भावना बढाएको छ।
सम्बादाता
उत्तरी रसुवामा निर्माणाधीन रसुवागढी जलविद्युत् आयोजनाको विद्युत्गृहमा उपकरण जडान कार्य द्रुतरूपमा अग ...
प्रतिक्रिया