युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं साउन २३ — दिक्तेल रुपाकोट हलेसि दर्शन यातायात प्रालिका अध्यक्ष हरि बहादुर राई र महासचिव देवान राईले काठमाडौंमा पत्रकार सम्मेलन गर्दै फोर्स मोटरका गाडी खरिदबाट व्यवसायीहरू ठगिएको गम्भीर आरोप सार्वजनिक गरेका छन्।
आयम इन्टरकन्टिनेन्टल प्रालिद्वारा बिक्री गरिएका ‘फोर ह्विल गामा’, ‘क्रुजर जिप’ र ‘टु ह्विल जिप’ मोडलका गाडीहरूमा मर्सिडिज बेन्जको इन्जिन, गियरबक्स र क्राउनमा तीन लाख किलोमिटर वारेन्टी रहेको दाबी गरिएको थियो। तर खरिदको एक महिनामै इन्जिन सिज हुने, एकै वर्षमै दुई पटकसम्म इन्जिन बिग्रिने जस्ता गम्भीर समस्या देखिएको पीडितहरूको आरोप छ।
त्यसैगरी, गुडिरहेको अवस्थामा टायर फुत्किनेदेखि सेन्टर र रड बारम्बार फुस्किने, कमजोर पार्टपुर्जा र अत्यधिक महँगो मूल्यले व्यवसायीहरूलाई थप जोखिममा पारेको अध्यक्ष राईले बताए।
विक्रेता कम्पनीले सुरुमा अनेकौँ लोभ–प्रलोभन देखाउँदै गाडी बिक्री गर्ने गरेको, तर समस्या राख्दा दोहोरो कुरा गर्दै आश्वासन मात्र दिने र कुनै ठोस समाधान नगर्ने गरेको व्यवसायीहरूको आरोप छ।
६ वर्षअघि खरिद गरिएका गाडी ग्यारेजमै थन्किँदा बैंक किस्ता र ब्याज तिर्न नसक्ने अवस्था आएको महासचिव राईको गुनासो छ। “घरखेत बेचेर पनि ब्याज तिर्नुपर्ने अवस्था आएको छ,” उनले भने।
पीडितहरूले विक्रेता कम्पनीले वारेन्टी र सम्झौता उल्लङ्घन गरेको भन्दै तत्काल क्षतिपूर्ति र यात्रुको सुरक्षा सुनिश्चित गर्न सरकारसँग माग गरेका छन्।
आधिकारिक विक्रेता आयम इन्टरकन्टिनेन्टलले भने अहिलेसम्म कुनै ठोस कदम नचालेको व्यवसायीहरूको आरोप छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया