युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौँ, भदौ २० – चन्द्रागिरी नगरपालिका–१३ (साविक पुरानो नैकाप–८ख) स्थित जग्गा हालसाविक गरी नयाँ प्रमाणपूर्जा बनाइदिने बहानामा सेवाग्राहीसँग १३ हजार रुपैयाँ घुस लिएको अभियोगमा नापी कार्यालय कलंकी, ३ नं. नापी टोली, पुरानो नैकापमा कार्यरत कार्यालय सहयोगी (करार) एकेन्द्र बहादुर कुँवरविरुद्ध विशेष अदालत काठमाडौँमा आरोपपत्र दायर गरिएको छ।
अख्तियार दुरुपयोग अनुसन्धान आयोग, टंगालबाट खटिएको टोलीले कुँवरलाई सेवाग्राहीसँग १३ हजार रुपैयाँ घुस लिइसकेको अवस्थामा नियन्त्रणमा लिएको आयोगले जनाएको छ। अनुसन्धानमा कुँवरले भूमिसुधार तथा मालपोत कार्यालय, कलंकीमा दर्ता श्रेस्ता कायम रहेको उक्त जग्गाको प्रमाणपूर्जा उपलब्ध गराउन आवश्यक सहजीकरण गरिदिने भन्दै रकम मागेको र लिएको पुष्टि भएको हो।
आयोगका अनुसार कुँवरमाथि भ्रष्टाचार निवारण ऐन, २०५९ को दफा ३(१) बमोजिमको कसूर देखिएकाले बिगो १३ हजार कायम गर्दै सोही ऐनको दफा ३(१)(क) अनुसार कैद र बिगोअनुसार जरिवानाको सजाय मागदाबी गरिएको छ।
आयोगले आरोपपत्र दायर गरी मुद्दा दायर गरेपछि अब विशेष अदालतले सुनुवाइ प्रक्रिया अघि बढाउनेछ।
सम्बादाता
काठमाडौं असोज १३-नेपाली कांग्रेसका सभापति तथा पूर्वप्रधानमन्त्री शेरबहादुर देउवाका सासुससुरा बस्ने घ ...
प्रतिक्रिया
No approved comments yet. Be the first to comment!