युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । रसुवाबाट सुरु भएको विनाशकारी भोटेकोशी बाढीपछि चौथो दिनसम्म पनि खोजी, उद्धार र राहतका काम तीव्र रूपमा जारी छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार शनिबार साँझ ६:३० बजेसम्म ६७५ जनाको शव फेला परेको छ भने २,४९८ जना अझै सम्पर्कविहीन रहेका छन्।
विपदमा परी ७,५१४ जनाको उद्धार गरिएको छ। विभिन्न अस्पतालमा उपचाररत तथा डिस्चार्ज भएका घाइतेको संख्या २१९ पुगेको छ। बाढी प्रभावित क्षेत्रमा १८ हजार ७०८ सुरक्षाकर्मी परिचालन गरिएका छन् भने २७ जना प्रहरी कर्मचारी समेत सम्पर्कविहीन रहेको विवरण सार्वजनिक गरिएको छ।
रसुवा, नुवाकोट, धादिङ, चितवन, तनहुँ, गोरखा तथा नवलपरासीका विभिन्न स्थानमा बाढीले बगाएका शवहरू अझै फेला परिरहेका छन्। नेपाली सेना, नेपाल प्रहरी, सशस्त्र प्रहरी बल तथा स्वयंसेवकहरू खोजी तथा उद्धार अभियानमा खटिएका छन्। हेलिकप्टरमार्फत उद्धार उडान मुख्यतः रसुवा, टिमुरे, धुन्चे र त्रिशूली क्षेत्रमा केन्द्रित गरिएको छ।
बाढीको वास्तविक कारणबारे अध्ययन गर्न जलवायु तथा हिमनदी विज्ञहरू अनुसन्धानमा जुटेका छन्। सरकारले राहत वितरणलाई व्यवस्थित बनाउन एकद्वार प्रणाली लागू गर्दै प्रधानमन्त्री दैवीप्रकोप उद्धार कोषमार्फत सहयोग रकम संकलन गरिरहेको जनाएको छ।
देशकै ठूलो प्राकृतिक विपत्तिमध्ये एक मानिएको यस घटनापछि हजारौं परिवार विस्थापित भएका छन् भने बेपत्ता व्यक्तिको खोजी कार्य अझै चुनौतीपूर्ण बनेको छ।
सम्बादाता
काठमाडौं । नेपाल एलपी ग्यास उद्योग संघले उद्योग, वाणिज्य तथा आपूर्ति मन्त्रीले ग्यास उद्योगीहरूप ...
प्रतिक्रिया
No approved comments yet. Be the first to comment!