युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
ललितपुर, भदौ १६ – नेपाल सरकारका उपसचिव शेरबहादुर बिसी सोमबार ललितपुरमा आयोजित एक भव्य समारोहमा सम्मानित भएका छन्। बिसीलाई पूर्वप्रधानमन्त्री पुष्पकमल दाहाल ‘प्रचण्ड’को हातबाट ६औं संस्करण एशियन प्रोफेसनल एचिभमेन्ट अवार्ड २०२५ प्रदान गरिएको हो।
सिजन मिडिया प्रालिको आयोजनामा पुल्चोकस्थित द प्लाजामा सम्पन्न उक्त कार्यक्रममा एशियाभर उत्कृष्ट योगदान पुर्याउँदै समाजमा प्रेरणादायी भूमिका खेल्ने व्यक्तित्वलाई सम्मान गरिएको थियो। नेपाल, भारतसहित विभिन्न मुलुकका प्रतिष्ठित पाहुनाको उपस्थिति रहेको कार्यक्रममा बिसीसहित थुप्रै व्यक्तित्वलाई अवार्ड प्रदान गरिएको थियो।
नेपाल सरकारको उपसचिव पदमा रही सार्वजनिक सेवामा उल्लेखनीय योगदान पुर्याउँदै आएका बिसीलाई विशेष कदरका साथ सम्मान गरिएको हो। विशेषगरी उनले टोखा नगरपालिकामा २९ महिना प्रमुख प्रशासकीय अधिकृतको जिम्मेवारी सम्हाल्दा १४ सय रोपनी भन्दा बढी सार्वजनिक जग्गा संरक्षण, आन्तरिक श्रोत वृद्धि, सूचना प्रविधिमैत्री सेवा प्रवाह, बिष्णुमति नदी सरसफाइ अभियान लगायत सयौँ उत्कृष्ट योगदान गरेका कारण पनि यो अवार्ड प्रदान गरिएको हो।
कार्यक्रमका प्रमुख अतिथि रहेका पूर्वप्रधानमन्त्री दाहालले समाजमा असाधारण उपलब्धि हासिल गर्ने व्यक्तित्वहरू देश र पुस्ताका लागि प्रेरणाको स्रोत हुने बताउँदै आगामी दिनमा अझ इमानदार र सकारात्मक भूमिकामा लाग्न सबैलाई आग्रह गरे।
यस अवसरमा सम्मानित उपसचिव शेरबहादुर बिसीले आफूले प्राप्त गरेको सम्मानलाई सम्पूर्ण सरकारी सेवाप्रति जनताको विश्वासको प्रतीकका रूपमा लिएको बताए।
उनले भने, “यो अवार्ड केवल मेरो व्यक्तिगत सम्मान मात्र होइन, सरकारी सेवामा समर्पित सबै इमानदार कर्मचारीहरूको मिहिनत र प्रतिबद्धताको कदर हो। यसले मलाई अझ जिम्मेवार र समाज सेवामा समर्पित भएर काम गर्न प्रेरणा दिएको छ।”
सिजन मिडिया प्रालिका अध्यक्ष प्रदीप राज वन्तले एशियन प्रोफेसनल एचिभमेन्ट अवार्डले एशियाका उत्कृष्ट प्रतिभा र नेतृत्वलाई उजागर गर्ने र उनीहरूको कार्यलाई अन्तर्राष्ट्रिय स्तरमा प्रस्तुत गर्ने उद्देश्य रहेको बताए। उनले अवार्डलाई निरन्तरता दिँदै अझ प्रभावकारी बनाउन संस्थाले योजना अघि सारेको पनि जानकारी दिए।
कार्यक्रममा उच्च सरकारी अधिकारी, जनप्रतिनिधि, व्यवसायी, सञ्चारकर्मी, सामाजिक अभियन्ता लगायतको उल्लेख्य उपस्थिति थियो।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया