युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं असोज १३-नेपाली कांग्रेसका सभापति तथा पूर्वप्रधानमन्त्री शेरबहादुर देउवाका सासुससुरा बस्ने घरमा समेत नेपाल प्रहरीको केन्द्रीय अनुसन्धान ब्यूरो (सीआईबी) ले छापा मारेको छ ।
आइतबार दिउँसो ललितपुर महानगरपालिका–४ जावलाखेलस्थित देउवाका साला भूषण राणा र उनका बुवाआमाको छुट्टाछुट्टै घरमा प्रहरीको टोली पुगेर तलासी गरेको हो । सीआईबीका अधिकारीहरूले प्राप्त सूचनाका आधारमा शंकास्पद नगद वा अन्य कागजात रहेको आशंकामा छापा मारिएको पुष्टि गरेका छन् ।
छापा मार्ने समयमा भूषण राणा घरमा नभएको बताइएको छ । तर उनका बुवाआमा भने घरमै उपस्थित थिए । प्रहरी टोलीले घरका विभिन्न कक्ष खोलाएर तलासी गरेको भए पनि साँझसम्म कुनै पनि वस्तु सार्वजनिक रूपमा बरामद भएको जानकारी दिइएको छैन ।
भूषण राणा कांग्रेस सभापति देउवाका साला हुन् । उनी हालै मनी–लन्ड्रिङ तथा अनियमित कारोबार प्रकरणमा मुछिँदै आएका छन् । यसअघि उनको जावलाखेलस्थित घरमा समेत प्रहरी टोलीले छापा मारेको थियो ।
यस घटनाले कांग्रेस भित्र र बाहिर दुबै क्षेत्रमा तरंग ल्याएको छ भने प्रहरीले भने अनुसन्धानको गोपनीयता कायम राख्दै विस्तृत विवरण सार्वजनिक गरेको छैन ।
सम्बादाता
काठमाडौं, कार्तिक ११– लोकप्रिय गायिका एलिना चौहानले अमेरिकास्थित नेपाली आयोजकको अमानवीय व्यवहा ...
प्रतिक्रिया
No approved comments yet. Be the first to comment!