युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौ ।काठमाडौं उपत्यकाका विभिन्न जात्राहरूको गहिरो अध्ययन गरेका जात्रा विज्ञ श्रीकृष्ण डङ्गोल कुम्म मच्चा जात्रालाई तात्त्विक, तान्त्रिक, र सांस्कृतिक परम्परासँग गहिरो सम्बन्ध राख्ने अनुष्ठान मान्छन्।
उनी भन्छन्, "कुम्म मच्चा जात्रा विशेष तान्त्रिक विधिबाट सम्पन्न गरिने पर्व हो। यस जात्रामा गणेश, कुमार, कन्या कुमारी, भैरव लगायतका देवी-देवताहरूलाई भोग अर्पण गरिन्छ। यसका धार्मिक, तान्त्रिक, र सामाजिक पक्षहरू गहन छन्।"
उनका अनुसार, पिङलास्थान क्षेत्रमा मनाइने यो जात्रा गुठियारहरूको विशेष संलग्नतामा सम्पन्न हुन्छ। बाजागाजा सहित मूर्ति ल्याउने, नवदुलहीलाई झैं कुमार कुमारीलाई मन्दिर प्राङ्गण प्रवेश गराउने, तान्त्रिक विधिबाट ८४ परिकार भोग खुवाउने परम्परा यस जात्राको मुख्य विशेषता हो।
श्रीकृष्ण डङ्गोलले कुम्म मच्चालाई "शिव-शक्तिको आराधना गर्ने परम्परा र वाम मार्गीय तान्त्रिक विधिको एक उदाहरण" भनेर परिभाषित गर्छन्। उनी थप्छन्, "मन्दिर बाहिर रहेको नन्दीले पनि देखाउँछ कि यो जात्रा शिव परम्परासँग गहिरो रूपमा जोडिएको छ।"
उनका अनुसार, "बायाँ हातबाट गरिने पूजा वाम मार्गीय तान्त्रिक परम्पराको सूचक हो। यो जात्रा धार्मिक आस्थाका साथसाथै सांस्कृतिक पहिचानलाई पनि जोगाउने माध्यम बनेको छ।"
श्रीकृष्ण डङ्गोल जस्ता जात्रा विज्ञहरूले कुम्म मच्चा जात्राको ऐतिहासिकता, तान्त्रिक पक्ष, र सांस्कृतिक महत्त्वलाई उजागर गरिरहेका छन्, जसले भविष्यमा पनि यस परम्परालाई संरक्षण गर्न मार्गनिर्देशन प्रदान गर्न सक्छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया