युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं। साउन महिनाको पहिलो सोमबारका अवसरमा आज बिहानैदेखि पशुपतिनाथ मन्दिरमा दर्शनार्थी भक्तजनको उल्लेख्य घुइँचो लागेको छ। भगवान् शिवप्रतिको आस्था व्यक्त गर्दै देशका विभिन्न जिल्लासहित भारतबाट समेत आएका श्रद्धालुहरू बिहानैदेखि लामबद्ध भएर दर्शनमा सहभागी भएका छन्।
भक्तजनको अत्यधिक चापलाई व्यवस्थापन गर्न पशुपति क्षेत्र विकास कोषले विशेष तयारी गरेको छ। मन्दिरका चारै ढोका बिहानैदेखि खुला गरिएको छ भने विभिन्न स्थानबाट छुट्टाछुट्टै लाइन व्यवस्थापन गरी दर्शनलाई सहज बनाइएको छ। उमाकुण्ड, जयवागेश्वरी, पिङ्गलास्थान, गौरीघाट तथा अन्य प्रवेश मार्गबाट भक्तजनलाई व्यवस्थित रूपमा मन्दिर प्रवेश गराउने व्यवस्था मिलाइएको छ।
कोषका अनुसार सुरक्षाकर्मी, स्वयंसेवक तथा स्वास्थ्यकर्मी परिचालन गरिएकाले भीडका बाबजुद दर्शन प्रक्रिया व्यवस्थित रूपमा सञ्चालन भइरहेको छ। जुत्ताचप्पल राख्ने स्थान, खानेपानी, स्वास्थ्य सहायता तथा विश्रामस्थलको समेत व्यवस्था गरिएको छ।
साउन महिना भगवान् शिवको प्रिय महिना मानिने भएकाले सोमबारका दिन व्रत बसेर पूजा–आराधना तथा दर्शन गरे मनोकांक्षा पूरा हुने धार्मिक विश्वास रहेको छ। यही विश्वासका कारण प्रत्येक साउने सोमबार पशुपतिनाथ क्षेत्रमा भक्तजनको ठूलो भीड लाग्ने गर्दछ।
आजको भीडका बीच पनि दर्शन व्यवस्थापन प्रभावकारी देखिएको छ। लामो लाइन भए पनि भक्तजनहरूले सहज र व्यवस्थित रूपमा दर्शन गर्न पाएको बताएका छन्। पशुपति क्षेत्र विकास कोषले आगामी सोमबारहरूमा पनि यस्तै व्यवस्थापनलाई थप प्रभावकारी बनाउने जनाएको छ।
सम्बादाता
काठमाडौं । नागढुंगा–सिस्नेखोला सुरुङमार्ग उद्घाटनसँगै सरकारले देशभर सुरुङमार्ग निर्माणलाई प्रा ...
प्रतिक्रिया
No approved comments yet. Be the first to comment!