युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौ ।स्पेनका कप्तान रोड्रिगो हर्नान्डेज कासान्ते (रोड्री) ले फिफा विश्वकप २०२६ को प्रतिष्ठित गोल्डेन बल अवार्ड जितेका छन्। प्रतियोगिताभर उत्कृष्ट प्रदर्शन गर्दै स्पेनलाई १६ वर्षपछि विश्वकप उपाधि दिलाउन नेतृत्वदायी भूमिका खेलेपछि उनी प्रतियोगिताकै उत्कृष्ट खेलाडी घोषित भएका हुन्।
अमेरिकामा सम्पन्न विश्वकपको फाइनलमा स्पेनले साविक विजेता अर्जेन्टिनालाई अतिरिक्त समयमा १–० ले पराजित गर्दै दोस्रो पटक विश्वकप उपाधि जित्यो। निर्णायक खेलमा रोड्रीले मिडफिल्ड नियन्त्रण गर्दै टोलीलाई ऐतिहासिक सफलतासम्म पुर्याएका थिए।
गोल्डेन बलको प्रतिस्पर्धामा रोड्रीले अर्जेन्टिनाका कप्तान लियोनल मेसी र फ्रान्सका स्टार फरवार्ड किलियन एमबाप्पेलाई पछि पारे। प्रतियोगिताभर उनको नेतृत्व, बल नियन्त्रण क्षमता र खेल निर्माणमा दिएको योगदान स्पेनको सफलताको प्रमुख आधार बन्यो।
सन् २०१८ मा स्पेनको राष्ट्रिय टोलीबाट डेब्यु गरेका रोड्री विश्वकप जिताउने स्पेनका दोस्रो कप्तान बनेका छन्। यसअघि सन् २०१० मा इकर क्यासियासको कप्तानीमा स्पेनले पहिलो पटक विश्वकप जितेको थियो।
विश्व फुटबलकै सबैभन्दा ठूलो प्रतियोगितामा कप्तानी र उत्कृष्ट प्रदर्शनका कारण रोड्रीले पहिलो पटक विश्वकप गोल्डेन बल जित्दै आफ्नो करियरमा अर्को ऐतिहासिक उपलब्धि थपेका छन्।
सम्बादाता
काठमाडौँ। भारतका स्थल सेनाध्यक्ष जनरल धीरज सेठले प्रधानमन्त्री तथा रक्षामन्त्री वालेन्द्र शाहसँग मंग ...
प्रतिक्रिया
No approved comments yet. Be the first to comment!