युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं। पाकिस्तानले सुडानलाई हतियार तथा लडाकु जेट आपूर्ति गर्ने करिब १ दशमलव ५ अर्ब अमेरिकी डलर बराबरको बहुचर्चित रक्षा सम्झौता स्थगित गरेको छ। साउदी अरेबियाले उक्त सम्झौता अन्त्य गर्न आग्रह गर्दै आर्थिक सहयोग नगर्ने स्पष्ट संकेत दिएपछि पाकिस्तान यस्तो निर्णयमा पुगेको अन्तर्राष्ट्रिय स्रोतहरूले बताएका छन्।
सुरक्षा तथा कूटनीतिक स्रोतहरूका अनुसार सुरुमा यो सम्झौता साउदी अरेबियाकै आर्थिक सहयोगमा अघि बढाइएको थियो। तर पछिल्लो समय साउदीले आफ्नो समर्थन फिर्ता लिएपछि सम्झौता प्रभावित भएको हो। यस घटनाले पाकिस्तानको रक्षा निर्यात विस्तार गर्ने प्रयासमा ठूलो झट्का लागेको विश्लेषण गरिएको छ।
सम्झौताअनुसार सुडानलाई आधुनिक हतियार प्रणाली र लडाकु विमान उपलब्ध गराउने योजना थियो। कार्यान्वयनमा गएको भए सुडानको सैन्य क्षमतामा उल्लेख्य वृद्धि हुने अपेक्षा गरिएको थियो। तर सुडानमा सेना र अर्धसैनिक ‘र्यापिड सपोर्ट फोर्स’बीच जारी द्वन्द्वका कारण गम्भीर मानवीय संकट उत्पन्न भइरहेका बेला यस्तो सम्झौताले अन्तर्राष्ट्रिय चासो बढाएको थियो।
विश्लेषकहरूका अनुसार साउदी अरेबियाको निर्णय क्षेत्रीय शक्ति सन्तुलन, पश्चिमी देशहरूको दबाब तथा द्वन्द्वग्रस्त क्षेत्रमा प्रत्यक्ष संलग्नता नबढाउने रणनीतिसँग जोडिएको हुन सक्छ। साउदी अरेबिया र पाकिस्तानबीचको घनिष्ठ आर्थिक तथा रक्षा सम्बन्धका कारण पाकिस्तानले साउदीको आग्रहलाई बेवास्ता गर्न नसकेको देखिन्छ।
यस घटनाले मध्यपूर्व र अफ्रिकी क्षेत्रको भू–राजनीतिमा नयाँ मोड ल्याउने संकेत देखिएको छ भने पाकिस्तानको अन्तर्राष्ट्रिय रक्षा बजार विस्तार गर्ने योजनामा तत्काल प्रभाव पर्ने निश्चित देखिएको छ।
सम्बादाता
काठमाडौँ । बाँकेकी निर्मला कुर्मीको अपहरण, शरीर बन्धक तथा कर्तव्य ज्यानसम्बन्धी घटनाको निष्पक्ष अनुस ...
प्रतिक्रिया
No approved comments yet. Be the first to comment!