युनिकोड
मिति
रूपान्तरण 
खोज पत्रकारिता
खोज पत्रकारिता
शान्ता खनाल
टोखा, जेठ १३ — टोखा नगरपालिकाको केन्द्र टोखा बजारमा हरेक शनिबार सञ्चालन हुँदै आएको ‘स्थानीय उत्पादन मेला’ ले किसान र उपभोक्ताबीचको सिधा सहकार्यलाई नयाँ उचाइ दिएको छ। मेलामा स्थानीय किसानहरूले आफ्ना ताजा, जैविक र मौलिक उत्पादनहरू प्रत्यक्ष रूपमा बिक्री गर्दै आएका छन्।
मेलामा तरकारी, फलफूल, दूध, दही, चिज, अचार, मह लगायत दैनिक उपभोग्य वस्तुहरू बिनाबिचौलिया उपभोक्तासमक्ष पुग्ने व्यवस्था छ। यसले एकातर्फ कृषकलाई उचित मूल्य सुनिश्चित गरेको छ भने अर्कोतर्फ उपभोक्ताले सस्तो, ताजा र विषादीरहित सामग्री पाउने अवसर बनाएको छ।
टोखा नगरपालिका वडा नम्बर ७ का किसान रमेश थापा भन्छन्, “हामीलाई पहिले बजारमा सामान बेच्न गाह्रो थियो। अहिले हरेक शनिबार आफ्ना उत्पादन यहीं बजारमा ल्याएर सजिलै बेच्न पाएका छौं।”
मेलाले उपभोक्ताको पनि ध्यान खिचेको छ। स्थानीय बासिन्दा जानुका श्रेष्ठ ले भनिन्, “यहाँको तरकारी ताजा हुन्छ। बजारको भन्दा सस्तो पनि पर्छ। विषादी नभएको भन्ने विश्वासले हामी यहीँ सामान किन्छौं।”
टोखा नगरपालिकाले मेलालाई अझ व्यवस्थित बनाउन पूर्वाधार निर्माण तथा प्रचार–प्रसारमा विशेष ध्यान दिइरहेको छ। साथै, मेलासँगै स्थानीय संस्कृति र पर्यटन प्रवर्द्धन गर्ने उद्देश्यले चाकु, अचार, मौलिक खाना र भूतखेल पार्कजस्ता स्थलहरूको प्रचार पनि भइरहेको छ।
नगरपालिकाका एक कर्मचारीका अनुसार, “हामी आगामी दिनमा डिजिटल सूचीकरण, अनलाइन अर्डर र मोबाइल एपमार्फत किसान र उपभोक्ताबीचको सहकार्यलाई प्रवर्द्धन गर्ने तयारीमा छौं।”
टोखा बजारको यो साप्ताहिक कार्यक्रमलाई स्थानीय आर्थिक विकास, सामाजिक एकता र पर्यटकीय गतिविधि का रुपमा विस्तार गर्ने लक्ष्य रहेको नगरपालिकाले जनाइएको छ।
शान्ता खनाल१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया