युनिकोड
मिति
रूपान्तरण 
खोज पत्रकारिता
खोज पत्रकारिता
उमा कार्की
काठमाडौं- नेपाली बजारमा मंगलबार सुनचाँदीको मूल्य बढेको छ। नेपाल सुनचाँदी व्यवसायी महासंघका अनुसार सोमबारको तुलनामा मंगलबार सुन र चाँदी दुवैको मूल्य वृद्धि भएको हो।
महासंघका अनुसार मंगलबार छापावाल सुन प्रतितोला ३ लाख ५ हजार ४ सय रुपैयाँमा कारोबार भइरहेको छ। सोमबार यसको मूल्य प्रतितोला ३ लाख १ हजार ९ सय रुपैयाँ थियो। यसअनुसार एकै दिन सुनको मूल्य प्रतितोला ३ हजार ५ सय रुपैयाँले बढेको हो।
त्यस्तै, मंगलबार सुनको मूल्य प्रतिदश ग्राम २ लाख ६१ हजार ८ सय ३० रुपैयाँ पुगेको छ। सोमबार प्रतिदश ग्राम सुन २ लाख ५८ हजार ८ सय ३० रुपैयाँमा कारोबार भएको थियो।
सुनसँगै चाँदीको मूल्य पनि बढेको छ। महासंघका अनुसार मंगलबार चाँदी प्रतितोला ४ हजार ७ सय ९० रुपैयाँ पुगेको छ। सोमबार चाँदीको मूल्य प्रतितोला ४ हजार ६ सय ९० रुपैयाँ थियो। यसअनुसार चाँदीको मूल्य प्रतितोला १ सय रुपैयाँले बढेको हो।
मंगलबार चाँदीको मूल्य प्रतिदश ग्राम ४ हजार १ सय ७ रुपैयाँ पुगेको महासंघले जनाएको छ। सोमबार प्रतिदश ग्राम चाँदीको मूल्य ४ हजार २१ रुपैयाँ थियो।
पछिल्ला दिनमा सुनचाँदीको मूल्यमा उतारचढाव देखिँदै आएको छ। नेपाली बजारमा सुन तथा चाँदीको दैनिक मूल्य निर्धारण अन्तर्राष्ट्रिय बजारको मूल्य, अमेरिकी डलरको विनिमय दरलगायत विभिन्न पक्षबाट प्रभावित हुने गर्छ।
उमा कार्की
सङ्खुवासभा । पाँचखपन नगरपालिका-८ पोख्राङमा वर्षासँगै परेको चट्याङ लागेर एक जनाको मृत्यु भएको छ भने द ...
प्रतिक्रिया
No approved comments yet. Be the first to comment!