युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं, वैशाख ३१– नेपाल राष्ट्र बैंकको गभर्नर बन्ने सम्भावना प्रवल रहेका डा. गुणाकर भट्ट अन्ततः अपमानित हुँदै देश छाड्न बाध्य भएका छन्। न राजीनामा स्वीकृत गरियो, न सम्मानजनक विदाई दिइयो। उल्टै सत्ताको चलखेल र अफ्ठ्यारा रणनीतिले उनले नेपाल छाड्ने निर्णय लिनुपर्यो।
वैशाख १२ गते कार्यकारी निर्देशक पदबाट राजीनामा दिएका डा. भट्टको फाइल अझै राष्ट्र बैंकमा अलपत्र छ। कार्यवाहक गभर्नर डा. निलम ढुंगानाले उनको राजीनामा स्वीकृत नगरी फाइल रोकिराखेकी छन्। स्रोतका अनुसार प्रधानमन्त्रीसँगको समन्वयमा ढुंगानाले यस्तो निर्णय लिएकी हुन्। गभर्नर बन्ने आकांक्षी रहँदै आएकी उनले भट्ट र अर्का दावेदार प्रकाश श्रेष्ठलाई प्रतिस्पर्धाबाट रोक्न यसो गरेकी बताइएको छ।
गभर्नर नियुक्तिको प्रक्रिया पारदर्शी र पेशागत योग्यता आधारित हुनुको सट्टा, राजनीतिक हस्तक्षेपले प्रभावित भयो। नियुक्ति सिफारिस समितिका दुई सदस्य विजयनाथ भट्टराई र विश्व पौडेलले राजीनामा दिएपछि प्रक्रिया नै गिजोलिएको छ।
एक योग्य, अनुभवी र स्वच्छ छवि भएका व्यक्ति यसरी अपमानित हुनुपर्दा, राष्ट्र बैंकजस्तो संवैधानिक संस्थाको गरिमा र निष्पक्षतामाथि गम्भीर प्रश्न उठेको छ। यस्तो राजनीतिक चलखेलले:
गभर्नरजस्तो संवेदनशील पदमा राजनीतिक हस्तक्षेप हुन थालेपछि स्वच्छ प्रशासनको अवधारणामा ठूलो धक्का पुगेको छ।
डा. भट्टले राजीनामापछि सार्वजनिक रूपमा केही बोलेनन्। सोमबार उनी अमेरिका प्रस्थान गरे। पारिवारिक स्रोतका अनुसार, उनी अमेरिका पढिरहेकी छोरीसँग केही समय बस्नेछन्।
नेपालको वित्तीय सुधार, नियमन र आर्थिक नीतिमा योगदान गरेका भट्टलाई यसरी प्रक्रियाबाट बाहिर राख्नु केवल व्यक्तिगत अपमान होइन, राष्ट्रिय स्तरको क्षति हो। यो घटनाले स्पष्ट देखाउँछ कि नेपालमा योग्य र स्वाभिमानी पेशेवरहरूलाई सम्मान गर्नुको सट्टा राजनीति र चलखेलको भुमरीमा पारेर पन्छाइन्छ।
यदि यही प्रवृत्ति निरन्तर रह्यो भने यसले संस्थागत निष्ठा, पेशागत मर्यादा र राष्ट्रिय आर्थिक स्थायित्वलाई नै संकटमा पार्न सक्छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया