युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
सम्बादाता
काठमाडौँ । प्रधानमन्त्री बालेन्द्र शाह संयुक्त राष्ट्रसंघको ८१औँ महासभामा सहभागी हुन बुधबार अमेरिका पुगेका छन्।
कतार एयरलायन्सको जहाजमार्फत दोहा हुँदै न्युयोर्क पुगेका प्रधानमन्त्री शाहलाई जोन एफ केनेडी अन्तर्राष्ट्रिय विमानस्थलमा संयुक्त राष्ट्रसंघका लागि नेपालका स्थायी प्रतिनिधि, अमेरिकाका लागि नेपालका कार्यवाहक राजदूत तथा अन्य अधिकारीहरूले स्वागत गरेका थिए।
प्रधानमन्त्री शाहले बिहीबार संयुक्त राष्ट्रसंघको महासभालाई सम्बोधन गर्ने कार्यक्रम रहेको छ।
सम्बोधनका क्रममा उनले जलवायु परिवर्तनका असर, रसुवा बाढीलगायत नेपालले सामना गरिरहेका विपद्का विषय उठान गर्ने तयारी रहेको बताइएको छ।
भ्रमणका क्रममा प्रधानमन्त्री शाहले संयुक्त राष्ट्रसंघका महासचिव António Guterresसँग भेटवार्ता गर्ने कार्यतालिका पनि रहेको छ।
न्युयोर्कस्थित संयुक्त राष्ट्रसंघका लागि नेपालको स्थायी नियोगमा पुगेर प्रधानमन्त्री शाहले भ्रमणसम्बन्धी ब्रिफिङ लिने कार्यक्रम छ। उनलाई परराष्ट्र सचिव, संयुक्त राष्ट्रसंघका लागि नेपालका स्थायी प्रतिनिधि, अमेरिकाका लागि नेपालका कार्यवाहक राजदूत तथा न्यूयोर्कस्थित नेपालका महावाणिज्यदूतले जानकारी गराउनेछन्।
यसैबीच, प्रधानमन्त्री शाह नेपालका लागि स्थायी प्रतिनिधिहरूले आयोजना गर्ने एक समारोहमा पनि सहभागी हुने कार्यक्रम रहेको छ।
प्रधानमन्त्री शाह असोज १० गते स्वदेश फर्किने कार्यतालिका रहेको छ।
सम्बादाता
काठमाडौं । भारतले नोटबन्दी गरेका पुराना नोटलाई विदेशी मुद्रा मान्न नमिल्ने सर्वोच्च अदालतले व्याख्या ...
प्रतिक्रिया
No approved comments yet. Be the first to comment!