युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । परराष्ट्रमन्त्री शिशिर खनाल भारतीय विदेशमन्त्री डा. एस. जयशङ्करको निमन्त्रणामा भारत भ्रमणका लागि नयाँ दिल्ली प्रस्थान गरेका छन् । मन्त्री खनाल २२ देखि २४ जेठसम्म भारतमा रहनेछन् ।
नयाँ दिल्ली विमानस्थलमा उनलाई भारतीय विदेश मन्त्रालयको नर्थ डेस्क (नेपाल–भुटान) हेर्ने अतिरिक्त सचिव मनु महावरले स्वागत गरेका थिए ।
काठमाडौंस्थित त्रिभुवन अन्तर्राष्ट्रिय विमानस्थलमा प्रस्थानअघि सञ्चारकर्मीसँग कुरा गर्दै मन्त्री खनालले भ्रमणका क्रममा देशको प्राथमिकताबारे महत्वपूर्ण संवाद हुने बताएका थिए ।
भ्रमणका क्रममा उनले भारतीय समकक्षी विदेशमन्त्री डा. एस. जयशङ्करसँग औपचारिक द्विपक्षीय भेटवार्ता गर्ने कार्यक्रम रहेको छ । उक्त बैठकमा नेपाल–भारत सम्बन्धका विविध पक्षमा छलफल हुने परराष्ट्र मन्त्रालयले जनाएको छ ।
विशेषगरी व्यापार, लगानी, कनेक्टिभिटी, ऊर्जा क्षेत्र तथा जनता–जनताबीचको सम्बन्धलाई अझ सुदृढ बनाउने विषयमा विस्तृत विचार–विमर्श हुने बताइएको छ ।
परराष्ट्र मन्त्रालयका अनुसार यो भ्रमणले नेपाल–भारतबीचको कूटनीतिक, ऐतिहासिक र बहुआयामिक सम्बन्धलाई थप मजबुत बनाउने अपेक्षा गरिएको छ ।
मन्त्री खनाल २४ जेठमा स्वदेश फर्कने कार्यक्रम रहेको छ।
सम्बादाता
काठमाडौ । विश्व वातावरण दिवसको अवसरमा टोखा नगरपालिकाले उपसचिव शेरबहादुर बिसिलाई विशेष सम्मान गरेको छ ...
प्रतिक्रिया
No approved comments yet. Be the first to comment!