युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
२१ जेठ, काठमाडौं । उपचारका लागि भन्दै कारागारबाट निकालिएका एक कैदीलाई प्रहरीले अस्पतालको सट्टा होटलमा लगेर मदिरा सेवन गराउनुका साथै युवतीसँग समय बिताउन दिएको खुलासा भएको छ । घटनालाई लिएर प्रहरीभित्रै आन्तरिक छानबिन सम्पन्न भए पनि विषय गुपचुप राखिएको छ ।
ठगी मुद्दामा केन्द्रीय कारागार सुन्धारा तथा जगन्नाथदेवमा रहेका अनुप भण्डारीलाई ढाडको उपचारका लागि भन्दै बाहिर लगिएको थियो । तर उनलाई सामाखुसीस्थित दीप सागर गेस्ट हाउसमा लगेर मासु र बियर खुवाउनुका साथै करिब तीन घण्टा युवतीसँग समय बिताउन दिएको तथ्य अनुसन्धानमा खुलेको छ ।
छानबिनअनुसार प्रहरी सहायक हवल्दार होमबहादुर कुँवर र प्रहरी जवान टेकबहादुर विकले भण्डारीलाई हतकडी फुकालेर होटल पुर्याएका थिए । सुरक्षामा खटिएका दुवै प्रहरी बर्दीमै रहेको अवस्थामा उक्त गतिविधि भएको प्रतिवेदनमा उल्लेख छ ।
कैदी भण्डारीले समेत आफूलाई अस्पताल लैजाने बहानामा होटल लगिएको र त्यहाँ मदिरा सेवन तथा युवतीसँग बस्न दिइएको स्वीकार गरेको विवरण छानबिन प्रतिवेदनमा समावेश गरिएको छ ।
घटनाबारे आन्तरिक छानबिन सम्पन्न भए पनि उपत्यका प्रहरी कार्यालय रानीपोखरीले औपचारिक रूपमा सार्वजनिक नगरेको बताइएको छ । छानबिन समितिले संलग्न प्रहरी कर्मचारीलाई बर्खास्त गर्नुपर्ने सुझावसमेत दिएको स्रोतले जनाएको छ ।
यसैबीच, एक महिनाभित्रै कारागारभित्र फरार र झडपजस्ता घटनासमेत दोहोरिएपछि सुन्धारा कारागारको सुरक्षा व्यवस्थामाथि गम्भीर प्रश्न उठेको छ ।
सम्बादाता
अमेरिकी राष्ट्रपति डोनाल्ड ट्रम्पसँग मिल्दोजुल्दो देखिएको भन्दै बङ्गलादेशको राष्ट्रिय चिडियाखानामा र ...
प्रतिक्रिया
No approved comments yet. Be the first to comment!