युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
पोखरा, २७ वैशाख-गण्डकी प्रदेशको प्रमुख आध्यात्मिक केन्द्र गण्डकी कोटिहोममा शनिबार ऐतिहासिक भीड देखिएको छ। श्रीमद्भागवत सप्ताह महापुराणको विशेष अवसरमा आयोजित धार्मिक कार्यक्रममा सहभागी हुने भक्तजनको संख्या एक लाखभन्दा बढी पुगेको आयोजक पक्षले जनाएको छ।
नेपालका विभिन्न भूभागबाट मात्र नभई भारतका समेत धेरै धार्मिक पर्यटक तथा श्रद्धालुहरू गण्डकी कोटिहोम आइपुगेका थिए। बिहान सबेरैदेखि नै दर्शन, पूजन, आरती र प्रवचनमा सहभागी हुनको लागि श्रद्धालुको लहर लागेको दृश्य अवलोकन गरियो।
आध्यात्मिक ऊर्जा र भक्ति भावनाले भरिएको माहोल
कोटिहोम परिसरमा सत्सङ्ग, भजन, र श्रीमद्भागवत कथा वाचनमार्फत सारा वातावरण भक्ति र अध्यात्ममा रङ्गिएको थियो। सहभागी भक्तजनहरू भावुक हुँदै आफ्नो आस्था व्यक्त गरिरहेका थिए।
एक लाखभन्दा बढी श्रद्धालुको आगमन हुँदा पनि सुरक्षा, खानेपानी, ट्राफिक व्यवस्थापन, स्वास्थ्य सहायता लगायत सबै पक्षमा व्यवस्थित व्यवस्था देखिनु आयोजक, स्वयंसेवक र सुरक्षाकर्मीहरूको समन्वयको उत्कृष्ट उदाहरण थियो।
गण्डकी कोटिहोमका प्रमुख विजयकृष्ण मुर्ति महाराज खुशी हुँदै भन्नुहुन्छ, “यस्तो अनुपम सहभागिता देखेर म अत्यन्त हर्षित छु। सम्पूर्ण भक्तजनप्रति हृदयदेखि आभार व्यक्त गर्दछु। यो महायज्ञमा जो अझै आउन बाँकी हुनुहुन्छ, उहाँहरूलाई म पुनः सादर निमन्त्रणा गर्दछु — कृपया एकपटक अवश्य आइपुग्नुहोस्, यस पुण्य आयोजनाको साक्षी बन्नुहोस्।”
यो अद्वितीय सहभागिताले नेपालको धार्मिक तथा सांस्कृतिक पर्यटनको विकासमा कोटिहोमजस्ता केन्द्रको महत्व अझै गहिरो बनाएको देखिन्छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया