युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं, वैशाख १ –नयाँ वर्ष २०८२ सालको पहिलो दिन पशुपतिनाथ मन्दिरमा दर्शन गर्न आएका भक्तजनको घुइँचो लागेको छ। बिहान ३ बजेदेखि नै दर्शनका लागि लाम लागेका श्रद्धालुको उत्साह, आस्था र श्रद्धाले सम्पूर्ण पशुपति क्षेत्र आध्यात्मिक ऊर्जा र भक्तिभावले भरिएको देखियो।
देशको कुनाबाट आएका हजारौँ भक्तजनहरू ‘हर हर महादेव’ र ‘जय शम्भो’को उद्घोष गर्दै लाइनमा उभिएका थिए। दृश्य यस्तो लाग्थ्यो, मानौँ महाशिवरात्रिको पुनरावृत्ति भएको हो।
पशुपति क्षेत्र विकास कोषका प्रवक्ता रेवतीरमण अधिकारीका अनुसार –
"नयाँ वर्षको पहिलो दिनको महत्त्वलाई ध्यानमा राख्दै कोषले दर्शनको सहज व्यवस्थाका लागि विशेष योजना बनाएको थियो। अत्यधिक भीडका बाबजुद पनि दर्शन व्यवस्थापन, सुरक्षा, र सेवा प्रभावकारी ढंगले सम्पन्न गरिएको छ। यो आस्था र विश्वासमा आएको वृद्धिको प्रतिविम्ब हो।"
चितवनबाट आएकी भक्त मञ्जु न्यौपाने भन्छिन् –
"नयाँ वर्षको शुरुवात पशुपतिनाथको दर्शन गर्न पाउँदा अत्यन्तै धन्य महसुस भइरहेको छ। भीड भए पनि अनुशासित र भक्तिभावले भरिएको वातावरणले यस्तो लाग्यो– भगवान स्वयम् यहाँ छन् र हामीलाई आशीर्वाद दिइरहेका छन्।"
धूप, दीप, भजन, आरती र निःशुल्क प्रसाद वितरणजस्ता धार्मिक क्रियाकलापले सम्पूर्ण क्षेत्रलाई पवित्र र भक्तिमय बनाएको थियो।
नयाँ वर्षको पहिलो दिन पशुपतिनाथमा देखिएको श्रद्धालुको यो अपार घुइँचोले धर्म, संस्कृति र आस्थाको मुलधार अझ बलियो बन्दै गएको स्पष्ट सन्देश दिएको छ।
सम्बादाता
काठमाडौं, वैशाख ३१– नेपाल राष्ट्र बैंकको गभर्नर बन्ने सम्भावना प्रवल रहेका डा. गुणाकर भट्ट अन् ...
प्रतिक्रिया
No approved comments yet. Be the first to comment!