युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं ८ चैत्र । परराष्ट्रमन्त्री आरजु राणा देउवा ११ दिने भारत भ्रमण सकेर स्वदेश फर्किएकी छिन्। तर, यो भ्रमण नेपालका लागि कुनै ठोस उपलब्धि भन्दा पनि व्यक्तिगत प्रचार, धार्मिक यात्रा र सरकारी स्रोतको दुरुपयोगको उदाहरण मात्र भएको देखिन्छ।
विद्युत संकट: खोक्रो आश्वासन, समाधान शून्य
नेपालमा हाल विद्युत संकट गहिरिँदै गइरहेको छ। उद्योग र नागरिकलाई मार पर्ने गरी लोडसेडिङको सम्भावना बढिरहेको बेला आरजु राणाले भारतसँग वार्ता गरेको दाबी गरिन्। तर, उनले कुनै ठोस सम्झौता, लिखित प्रतिबद्धता वा तत्कालीन राहत ल्याउन सकिनन्। नेपालमा ऊर्जा अभाव भइरहेको बेला परराष्ट्रमन्त्रीको यस्तो निस्क्रियता गम्भीर लापरबाहीको संकेत हो।
संयुक्त राष्ट्रसंघका लागि खोक्रो लबिङ
आरजु राणाले नेपालले संयुक्त राष्ट्रसंघका विभिन्न परिषद्हरूमा उम्मेदवारी दिएको भन्दै भारतलाई समर्थन गर्न आग्रह गरेको बताइन्। तर, भारत सरकारले यसबारे कुनै ठोस प्रतिक्रिया दिएको छैन। उनको दाबी केवल देखावटी लबिङ मात्र भएको पुष्टि भएको छ।
धार्मिक भ्रमण कि सरकारी भ्रमणको गलत उपयोग?
आरजु राणाले भारत भ्रमणका क्रममा झारखण्डस्थित बाबा बैद्यनाथ धाम पुगेर पूजाआजा गरिन्। सरकारी पदको आडमा व्यक्तिगत धार्मिक यात्रा गर्नु नैतिक र कानुनी रूपमा कति उचित हो भन्ने प्रश्न उठेको छ। नेपाल-भारत कूटनीतिक सम्बन्ध सुधार गर्नुपर्ने बेला सरकारी भ्रमणलाई व्यक्तिगत यात्रामा परिणत गर्नु आपत्तिजनक छ।
राइसिना संवादमा उपस्थिति: कूटनीतिक उपलब्धि होइन, औपचारिक फोटो सेसन मात्र!
आरजु राणाले भारतको विदेश मन्त्रालयको सहयोगमा आयोजित राइसिना संवादमा भाग लिएको बताइन्। उनले भारतीय विदेशमन्त्री एस जयशंकरसँग भेटवार्ता गरेको दाबी गरिन्। तर, नेपाल-भारत सम्बन्धमा कुनै ठोस निर्णय भएको प्रमाण छैन। उनको उपस्थिति औपचारिकता मात्र भएको देखिन्छ।
व्यक्तिगत फाइदाका लागि सरकारी स्रोतको दुरुपयोग
आरजु राणाको भारत भ्रमण नेपालका लागि कूटनीतिक रूपमा पूर्ण असफल रह्यो। विद्युत संकट समाधान गर्न नसक्नु, संयुक्त राष्ट्रसंघमा सदस्यताका लागि भारतबाट ठोस समर्थन नपाउनु, र सरकारी भ्रमणलाई धार्मिक यात्रामा परिणत गर्नु उनको अक्षम्य कमजोरी हो। यस भ्रमणले नेपाललाई कुनै फाइदा पुगेन, बरु सरकारी स्रोतको दुरुपयोग मात्र भएको पुष्टि गरेको छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया