युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
पोखरा चैत्र ५-गण्डकी प्रदेशको पोखरा महानगरपालिकामा चैत १७ गतेदेखि आयोजना हुने भनिएको कोटिहोम धार्मिक अनुष्ठानलाई लिएर विवाद चुलिएको छ। स्थानीय मेयरको विवादास्पद अभिव्यक्तिले जनताको आस्थामा चोट पुगेको भन्दै व्यापक विरोध भइरहेको छ।
धार्मिक समुदाय, स्थानीय बासिन्दा, तथा भक्तजनहरूले कोटिहोमलाई तोकिएको मिति र स्थानमै सम्पन्न गरिनुपर्छ भन्ने माग राख्दै पोखरा महानगरपालिकालाई दबाब दिएका छन्। यदि धार्मिक कार्यलाई अन्यत्र सार्ने वा स्थगित गर्ने प्रयास गरिए, भने व्यापक जनआन्दोलन चर्कने चेतावनीसमेत दिइएको छ।
मेयर जनताको नजरमा गिर्दै
कोटिहोमलाई लिएर पोखरा महानगरपालिकाका मेयरले दिएका अभिव्यक्तिहरू धार्मिक सहिष्णुताविपरीत रहेको भन्दै जनता आक्रोशित छन्। धार्मिक आस्थासँग जोडिएको विषयमा मेयरले लापरबाहीपूर्ण बयान दिएको र धार्मिक गतिविधिलाई प्रभावित गर्न खोजेको आरोप लगाइएको छ।
एक स्थानीय भक्तजनले भने, "जनताको आस्था र संस्कृतिलाई ठेस पुर्याउने मेयर हामीलाई मान्य छैनन्। धार्मिक कार्यमा हस्तक्षेप नगरियोस्। कोटिहोम तोकिएको मिति र स्थानमै सम्पन्न हुनुपर्छ।"
विजयकृष्ण मूर्तिको अडान: कोटिहोम रोकिँदैन
धार्मिक अनुष्ठानलाई सफल बनाउन मानव सेवा फाउन्डेसन नेपालका विजयकृष्ण मूर्ति निरन्तर क्रियाशील छन्। उनले स्पष्ट रूपमा बताएका छन् कि कोटिहोम कुनै पनि हालतमा रोकिँदैन र तोकिएको समयमा नै सम्पन्न गरिन्छ।
उनका अनुसार, "धर्म, संस्कृति, र समाजसेवा एकअर्कासँग जोडिएका छन्। कोटिहोमलाई रोक्ने वा स्थानान्तरण गर्ने कुनै पनि प्रयास अस्वीकार्य छ। हामी भक्तजनको भावनालाई सम्मान गर्दै यो धार्मिक अनुष्ठान तोकिएको स्थानमै सम्पन्न गर्नेछौं।"
पोखरा महानगरपालिकालाई जनताको दबाब: कोटिहोम अन्यत्र सार्ने निर्णय फिर्ता गर
धार्मिक अगुवाहरू, स्थानीय समुदाय, तथा विभिन्न संघसंस्थाहरूले पोखरा महानगरपालिकालाई कडा सन्देश दिँदै कोटिहोमलाई तोकिएको मिति र स्थानमै सम्पन्न गर्नुपर्ने माग राखेका छन्। यदि महानगरपालिका वा कुनै पनि निकायले धार्मिक कार्यलाई प्रभावित गर्ने निर्णय लियो भने, त्यसको कडा प्रतिवाद गरिने चेतावनी दिइएको छ।
एक धार्मिक अभियन्ताले भने, "धार्मिक अनुष्ठानलाई अन्यत्र सार्ने कुनै पनि प्रयास सह्य हुने छैन। धर्म, संस्कृति, र परम्परालाई जोगाउनु सबैको कर्तव्य हो। कोटिहोम पूर्वनिर्धारित मिति र स्थानमै हुनुपर्छ।"
सत्य र धर्मको जीत निश्चित!
धार्मिक अनुष्ठानलाई अनावश्यक विवादमा तान्ने प्रयासको जनस्तरबाट व्यापक विरोध भइरहेको छ। चैत १७ देखि हुने भनिएको कोटिहोम तोकिएको मिति र स्थानमै गराउनुपर्छ भन्ने जनताको दृढ अडान छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया