युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं। देशभर मनसुनको प्रभाव थप सक्रिय बनेको छ। जल तथा मौसम पूर्वानुमान महाशाखाका अनुसार मनसुनको न्यून चापीय रेखा पश्चिममा सरदर स्थानभन्दा केही माथि तथा पूर्वमा सरदर स्थान आसपास रहेकाले देशका अधिकांश क्षेत्रमा वर्षा हुने सम्भावना रहेको छ।
हाल देशभर सामान्यदेखि पूर्ण बदली रहेको छ। कोशी, बागमती, गण्डकी र लुम्बिनी प्रदेशका केही स्थान तथा कर्णाली प्रदेशका एक–दुई स्थानमा हल्कादेखि मध्यम वर्षा भइरहेको छ। महाशाखाले आज दिउँसो हिमाल, पहाड र तराईका अधिकांश स्थानमा मेघगर्जन र चट्याङसहित मध्यम वर्षाको सम्भावना रहेको जनाएको छ।
उच्च हिमाली क्षेत्रमा वर्षासँगै हिमपातको सम्भावना रहेको छ भने केही स्थानमा भारी वर्षासमेत हुन सक्ने पूर्वानुमान गरिएको छ। लगातारको वर्षासँगै नदी तथा खोलामा पानीको बहाव बढ्न सक्ने भएकाले तटीय क्षेत्रका बासिन्दालाई सतर्क रहन आग्रह गरिएको छ।
मनसुन सक्रिय भएसँगै बाढी, पहिरो र सडक अवरोधको जोखिम बढेको छ। यसअघि पनि लगातारको वर्षाका कारण विभिन्न नदीमा जलस्तर बढेको तथा जोखिमयुक्त क्षेत्रमा निगरानी बढाइएको विवरण सार्वजनिक भइसकेको छ।
मौसमविद्ले आवश्यक सतर्कता अपनाउन, जोखिमयुक्त क्षेत्रमा अनावश्यक यात्रा नगर्न तथा मौसमसम्बन्धी अद्यावधिक सूचना नियमित रूपमा पछ्याउन सर्वसाधारणलाई आग्रह गरेका छन्।
सम्बादाता
काठमाडौं । नागढुंगा–सिस्नेखोला सुरुङमार्ग उद्घाटनसँगै सरकारले देशभर सुरुङमार्ग निर्माणलाई प्रा ...
प्रतिक्रिया
No approved comments yet. Be the first to comment!