युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
राष्ट्रिय स्वतन्त्र पार्टी को प्रथम महाधिवेशन अन्तर्गत महाधिवेशन प्रतिनिधिको प्रवेश कार्ड वितरण सुरु भएको छ। प्राविधिक समस्याका कारण आइतबार स्थगित भएको बन्दसत्र आज दिउँसो १ बजेदेखि सुरु गर्ने तयारी गरिएको छ। रास्वपा संसदीय दलका उपनेता गणेश पराजुलीले प्रतिनिधिको संख्या अपेक्षाभन्दा धेरै बढेकाले केही प्राविधिक समस्या देखिएको बताए। उनका अनुसार सुरुआती अनुमानमा २८ सयदेखि ३ हजार प्रतिनिधि सहभागी हुने अपेक्षा गरिए पनि संख्या बढेर ४२ सयभन्दा बढी पुगेको छ।‘इस्टिमेट गरिएको २८ सयदेखि ३ हजार प्रतिनिधिको संख्या बढेर ४२ सय प्लस पुगेपछि केही प्राविधिक कारणले हिजो बन्दसत्र सुरु गर्न सकेनौं,’ पराजुलीले भने। हाल महाधिवेशन प्रतिनिधिको प्रवेश कार्ड वितरण भइरहेको र उक्त प्रक्रिया पूरा भएपछि भोजनावकाशपछि बन्दसत्र सुरु गरिने उनले जानकारी दिए। उनका अनुसार आवश्यक सबै तयारी पूरा भइसकेको छ र एक बजेसम्ममा बन्दसत्र सुरु हुनेछ। पराजुलीले महाधिवेशन प्रतिनिधि तथा सञ्चारकर्मीलाई परेको असुविधाप्रति क्षमासमेत मागेका छन्। रास्वपाको प्रथम महाधिवेशनमा अपेक्षाभन्दा धेरै प्रतिनिधिको सहभागिताले उत्साह थपिएको छ भने बन्दसत्रबाट पार्टीको भावी कार्यदिशा र नेतृत्वबारे महत्वपूर्ण निर्णयहरू हुने अपेक्षा गरिएको छ।
सम्बादाता
बागमती प्रदेश सरकारबाट नेकपा एमालेका ६ जना मन्त्रीले आज राजीनामा बुझाउने भएका छन्। एमालेले सरकारलाई ...
प्रतिक्रिया
No approved comments yet. Be the first to comment!