युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । सरकारले गुठी संस्थानको प्रशासकमा शैलेन्द्रराज कुँवरलाई पुनः नियुक्त गरेको छ। बुधबार बसेको मन्त्रिपरिषद् बैठकले उक्त निर्णय गर्दै कुँवरलाई फेरि संस्थानको नेतृत्व सुम्पिएको हो।
यसअघि पनि गुठी संस्थानको प्रशासकका रूपमा कार्यसम्पादन गरिसकेका कुँवरले आफ्नो कार्यकालमा निडर, इमानदार र निष्ठावान प्रशासकको छवि निर्माण गरेका थिए। गुठी सम्पत्तिको संरक्षण, व्यवस्थापनमा पारदर्शिता, अतिक्रमण नियन्त्रण तथा संस्थागत सुधारका विषयमा उनले देखाएको सक्रियता र दृढ अडानका कारण उनी सर्वसाधारणदेखि सरोकारवाला निकायसम्मका बीच परिचित बनेका थिए।
गुठी सम्पत्तिमाथि हुने अतिक्रमण र अनियमितताविरुद्ध स्पष्ट रूपमा उभिने प्रशासकका रूपमा परिचित कुँवरले संस्थानको हितलाई केन्द्रमा राखेर काम गरेको भन्दै उनको प्रशंसा हुँदै आएको छ। कठिन परिस्थितिमा पनि दबाब र प्रभावमा नपरी संस्थागत हितअनुसार निर्णय गर्ने उनको कार्यशैलीले सरकारको विश्वास जित्न सफल भएको बताइन्छ।
यही कार्यसम्पादन, अनुभव र संस्थाप्रतिको प्रतिबद्धतालाई मूल्यांकन गर्दै सरकारले उनलाई पुनः जिम्मेवारी दिएको सरकारी स्रोतको भनाइ छ। गुठी व्यवस्थापनसँग सम्बन्धित चुनौतीहरू समाधान गर्न सक्षम नेतृत्व आवश्यक रहेको निष्कर्षसहित मन्त्रिपरिषद्ले कुँवरलाई पुनः नियुक्त गरेको बुझिएको छ।
सरकारका प्रवक्ता सस्मित पोखरेलले मन्त्रिपरिषद्का निर्णय सार्वजनिक गर्दै शैलेन्द्रराज कुँवरलाई गुठी संस्थानको प्रशासक नियुक्त गरिएको जानकारी दिएका हुन्।
गुठी संस्थान नेपालको धार्मिक, सांस्कृतिक तथा ऐतिहासिक सम्पदासँग प्रत्यक्ष जोडिएको महत्वपूर्ण संस्था हो। यस्ता सम्पदाको संरक्षण, व्यवस्थापन र प्रभावकारी सञ्चालनका लागि अनुभवी नेतृत्वको आवश्यकता रहने भएकाले कुँवरको पुनर्नियुक्तिलाई संस्थागत निरन्तरताका रूपमा पनि हेरिएको छ।
कुँवरको पुनरागमनसँगै गुठी संस्थानमा सुशासन, सम्पत्ति संरक्षण र संस्थागत सुधारका प्रयासले थप गति लिने अपेक्षा गरिएको छ।
सम्बादाता
काठमाडौं।जीवनमा सबै बालबालिकाले समान अवसर पाउँदैनन्। कोही आमाबुबाको माया, शिक्षा र सुरक्षित भविष्यको ...
प्रतिक्रिया
No approved comments yet. Be the first to comment!