युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौँ, माघ २९। विश्वका सबैभन्दा धनी व्यक्ति तथा स्पेसएक्सका संस्थापक एलन मस्कले मंगल ग्रहभन्दा पहिला चन्द्रमामा मानव बस्ती बसाल्ने महत्वाकांक्षी योजना सार्वजनिक गरेका छन् । आगामी १० वर्षभित्र चन्द्रमामा एउटा अत्याधुनिक शहर स्थापना गर्ने तयारी भइरहेको मस्कले बताएका छन् ।
मस्कका अनुसार यो शहर कुनै सामान्य मानव बस्ती हुनेछैन, बरु ‘सेल्फ ग्रोइङ सिटी’ अर्थात् आफैँ विस्तार हुँदै जाने शहर हुनेछ । हालसम्म मानवले कल्पना गरेकोभन्दा फरक र भविष्यकेन्द्रित डिजाइनमा यो शहर निर्माण गरिने उनको दाबी छ ।
अन्तरिक्ष प्रविधि कम्पनी स्पेसएक्सका संस्थापक मस्कले सामाजिक सञ्जाल प्लेटफर्म ‘एक्स’मार्फत चन्द्रमामा मानव बस्ती विकास गर्ने योजनाबारे जानकारी दिएका हुन् । उनले स्पेसएक्सको अबको मुख्य ध्यान चन्द्रमामा स्थायी मानव उपस्थिति सुनिश्चित गर्ने दिशामा केन्द्रित हुने बताएका छन् ।
मस्कका अनुसार चन्द्रमामा यस्तो शहर निर्माण गर्न १० वर्षभन्दा कम समय लाग्न सक्छ । तर मंगल ग्रहमा यस्तै किसिमको शहर बसाल्न भने कम्तीमा २० वर्षभन्दा बढी समय लाग्ने उनको अनुमान छ ।
मंगलभन्दा चन्द्रमा किन पहिलो लक्ष्य ?
फेब्रुअरी ८ मा एक्समा गरिएको पोस्टमा मस्कले मानव जीवनलाई पृथ्वी बाहिर विस्तार गर्नु नै स्पेसएक्सको दीर्घकालीन लक्ष्य रहेको उल्लेख गरेका छन् । रणनीतिक र प्राविधिक कारणले चन्द्रमालाई पहिलो प्राथमिकतामा राखिएको उनको भनाइ छ ।
मस्कका अनुसार मंगल ग्रहको तुलनामा चन्द्रमामा पुग्न सजिलो र छिटो हुन्छ । मंगल ग्रहमा रकेट प्रक्षेपणको अवसर हरेक २६ महिनामा एक पटक मात्रै मिल्ने र यात्रा करिब ६ महिना लामो हुने भएकाले चन्द्रमा पहिलो अभ्यासस्थलका रूपमा उपयुक्त रहेको उनले बताएका छन् ।
उनको यो घोषणालाई अन्तरिक्ष विज्ञान र मानव सभ्यताको इतिहासमै ठूलो फड्कोका रूपमा हेरिएको छ । यदि योजना सफल भए चन्द्रमामा बन्ने शहरले भविष्यमा अन्तरिक्षमा मानव बसोबासको नयाँ युगको सुरुवात गर्ने अपेक्षा गरिएको छ ।
सम्बादाता
दमौली । तनहुँको आँबुखैरेनी गाउँपालिकाले पशु बिमा कार्यक्रमअन्तर्गत कृषकलाई राहत वितरणलाई प्राथमिकताम ...
प्रतिक्रिया
No approved comments yet. Be the first to comment!