युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं, कात्तिक ८ – जेन–जेड (Gen–Z) पुस्ताको नेतृत्वमा भइरहेका प्रदर्शन र आन्दोलनका सन्दर्भमा सरकार संवाद र सहमतिको बाटो अपनाउने तयारीमा रहेको गृह मन्त्रालयले जनाएको छ। आगामी फागुन २१ गते तोकिएको निर्वाचनको वातावरण निष्पक्ष, स्वच्छ र भयमुक्त बनाउन सरकार प्रतिबद्ध रहेको मन्त्रालयले जारी गरेको विज्ञप्तिमा उल्लेख छ।
विज्ञप्तिमा भनिएको छ, “देशमा शान्ति, सुरक्षा कायम राख्नका लागि सबै पक्षको सहकार्य अपरिहार्य छ। सरकार शान्तिपूर्ण माध्यमबाट जनताको माग सुन्न र सम्बोधन गर्न तयार छ।” मन्त्रालयले आन्दोलनका क्रममा तोडफोड, हिंसा र सार्वजनिक सम्पत्तिमा क्षति पुर्याउने कार्य गैरकानुनी भएको भन्दै संयम अपनाउन सबैमा आग्रह गरेको छ।
गृह मन्त्रालयका सहसचिव एवम् प्रवक्ता आनन्द काफ्लेले हस्ताक्षर गरेको विज्ञप्तिमा आन्दोलनरत पक्षलाई वार्ता र संवादमार्फत माग सम्बोधन गर्न आग्रह गरिएको छ। साथै मन्त्रालयले सुरक्षा निकायहरूलाई शान्ति सुव्यवस्था कायम राख्न र जनताको हकहित सुनिश्चित गर्न निर्देशन दिएको छ।
सरकारले राजनीतिक दल, नागरिक समाज र सरोकारवालाहरूसँग निरन्तर संवाद जारी राख्ने उल्लेख गर्दै आन्दोलनका क्रममा शान्ति र संयमता अपनाउन सबै पक्षलाई अपिल गरेको छ।
सम्बादाता
उत्तरी रसुवामा निर्माणाधीन रसुवागढी जलविद्युत् आयोजनाको विद्युत्गृहमा उपकरण जडान कार्य द्रुतरूपमा अग ...
प्रतिक्रिया