युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । नेपाल प्रहरीको ३२औं प्रहरी प्रमुख (आइजीपी) मा प्रहरी अतिरिक्त महानिरीक्षक (एआईजी) चन्द्रकुबेर खापुङ नियुक्त भएका छन्। शुक्रबार बसेको मन्त्रिपरिषद् बैठकले खापुङलाई प्रहरी महानिरीक्षकमा पदोन्नति गर्ने निर्णय गरेको हो।
हालका प्रहरी महानिरीक्षक दीपक थापा आगामी भदौ १८ गते (सेप्टेम्बर ३, २०२५) अवकाश हुँदैछन्। थापाको अवकाशसँगै भदौ १९ गते (सेप्टेम्बर ४) बाट खापुङले प्रहरी प्रमुखको जिम्मेवारी सम्हाल्नेछन्।
खापुङले २०५२ साल (१९९५) मा प्रहरी निरीक्षक (इन्स्पेक्टर) को रूपमा प्रहरी सेवामा प्रवेश गरेका थिए। उनले हालसम्म केन्द्रीय अनुसन्धान ब्यूरो (CIB) प्रमुख, प्रधानमन्त्री सुरक्षा प्रमुख, कर्मचारी प्रशासन विभाग प्रमुख, काठमाडौं उपत्यका अपराध महाशाखा प्रमुख र कोशी प्रदेश प्रहरी प्रमुख जस्ता जिम्मेवारीमा रहेर काम गरिसकेका छन्।
उनले दुई पटक संयुक्त राष्ट्रसंघीय शान्ति मिसन (हाइटी) मा सहभागिता जनाइसकेका छन् भने इटाली, दक्षिण कोरिया, भियतनाम र चीनमा तालिम लिएका छन्।
३२औं प्रहरी प्रमुख बनेसँगै खापुङलाई बढ्दो साइबर अपराध नियन्त्रण, राजधानीसहित देशभर फैलिएको गुण्डागर्दी नियन्त्रण, प्रहरी संगठनभित्र शुद्धीकरण, नागरिकमैत्री सेवा प्रवाह र आगामी निर्वाचनमा सुरक्षा व्यवस्थापनजस्ता चुनौतीहरू रहनेछन्।
अहिलेका प्रहरी प्रमुख दीपक थापा भदौ १८ गते अनिवार्य अवकाशमा जाने भएकाले नयाँ प्रमुख चयन गरिएको हो। थापाको कार्यकालमा आन्तरिक सुधारका पहल भए पनि राजनीतिक दबाब र सीमित समयका कारण उनका लागि नेतृत्व चुनौतीपूर्ण रह्यो।
चन्द्रकुबेर खापुङलाई नेपाल प्रहरीको ३२औं प्रहरी महानिरीक्षकको जिम्मेवारी सुम्पिएसँगै संगठनमा नयाँ उत्साह जाग्ने अपेक्षा गरिएको छ।
सम्बादाता
सशस्त्र प्रहरी महानिरीक्षक पुष्पराम केसीले सशस्त्र प्रहरी अतिरिक्त महानिरीक्षकमा पदोन्नति हुनुभएका र ...
प्रतिक्रिया