युनिकोड
मिति
रूपान्तरण 
खोज पत्रकारिता
खोज पत्रकारिता
निर्मला बिष्ट
काठमाडौं, असार २९ – आदि कवि भानुभक्त आचार्यको २१२ औं जन्मजयन्तीको अवसरमा टोखा नगरपालिका अन्तर्गत जेष्ठ नागरिक समाजको आयोजनामा विशेष समारोह सम्पन्न भएको छ।
टोखा जेष्ठ नागरिक भवनमा सम्पन्न उक्त कार्यक्रममा संस्कृतविद् पुरुषोत्तम भण्डारी, जेष्ठ नागरिक समाजका अध्यक्ष ज्ञानबहादुर भण्डारीसहित विविध साहित्यकार तथा कविहरूको उल्लेखनीय उपस्थिति थियो। कार्यक्रममा भानुभक्तको योगदानलाई सम्झँदै कवि सम्मेलनसमेत गरिएको थियो।
भानुभक्त आचार्यले नेपाली भाषामा पहिलोपटक वाल्मीकि कृत संस्कृत रामायणलाई भावानुवाद गरेका थिए। १८७१ साल असार २९ गते तनहुँ जिल्लाको चुरी रम्घा गाउँमा जन्मिएका उनी तिखो बुद्धिका धनी थिए। बाइस वर्षको उमेरमै उनले विद्वत्ताको प्रमाण पाएका थिए।
उनले “घाँसी” पात्रबाट प्रेरणा लिई जनजीवनीसँग जोडिएको साहित्य सिर्जना थालेका थिए। पुरुषोत्तम रामायण र कृष्ण रामायणजस्ता कृतिहरू १८९७ सालभित्रै तयार गरिसकेका थिए।
भानुभक्तलाई चिनाउने काम मोतिराम भट्टले गरेका थिए। १९४८ सालमा मोतिरामले सार्वजनिकरूपमा भानुभक्तको चिनारी गराएका थिए। उनले साहित्यिक उचाइ प्रदान गर्न निर्णायक भूमिका खेलेका थिए।
भानुभक्तले जेल जीवनसमेत भोगेका थिए। १९९७ सालमा उनलाई आधिकारिक रूपमा 'आदि कवि' को सम्मान दिइएको थियो। उनी सूर्यको भक्त भएकाले 'सूर्यभक्त कवि' पनि भनिन्थे। काशी–वाराणसीमा ज्योतिष शास्त्र अध्ययन गरेका भानुभक्तले आफ्नो जीवनकालमा १२ पटकसम्म विभिन्न सम्मान प्राप्त गरेका थिए।
कार्यक्रममा उपस्थित वक्ताहरूले भानुभक्तका हजुरबुबा श्रीकृष्ण आचार्य र बुबा धनञ्जय आचार्यको योगदानको पनि स्मरण गरेका थिए।
निर्मला बिष्ट
उत्तरी रसुवामा निर्माणाधीन रसुवागढी जलविद्युत् आयोजनाको विद्युत्गृहमा उपकरण जडान कार्य द्रुतरूपमा अग ...
प्रतिक्रिया