युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
कास्की १२ बैशाख -पोखराको सहर आज अलिक फरक देखियो।सडकमा चल्ने ट्याक्सीहरू आज ,यात्रु होइन, धर्म बोकेर हिँडे। मानौँ ती केवल गाडी थिएनन्, ती धर्मका दूत थिए, आध्यात्मिक सन्देशको अगुवा थिए। गण्डकी शतकुण्डीय गायत्री कोटीहोम विराट ज्ञान महायज्ञको सन्देश फैलाउँदै पोखरामा सम्पन्न ट्याक्सी र्यालीले सहरको आत्मासँग कुरा गर्यो।
बैशाख १२ को बिहान ७ बजे, बिरौटास्थित कोटिहोमबाट सुरु भएको र्यालीले ड्यामसाइड, लेकसाइड, हल्लनचोक, पृथ्वीचोक, मुस्ताङचोक जस्ता प्रमुख स्थानहरू हुँदै पुनः कोटिहोममै समापन ग¥यो। सयौं ट्याक्सीहरू प्लेकार्ड, ब्यानर, धार्मिक झण्डा र गायत्री भजनले सजिएर चले—जसले पोखराका सडक मात्र होइन, हरेक नागरिकको मनमा अध्यात्मको झल्को पुर्यायो।
र्यालीको मार्गमा उभिएका सर्वसाधारणले श्रद्धा र उत्साहका साथ स्वागत गरे। कतै फूल अर्पण, कतै हात हल्लाउँदै जयघोष; सडकका छेउमा उभिएका बालबालिकादेखि वृद्धसम्मले यो अध्यात्मिक रथयात्रालाई साथ दिए।
महायज्ञका संकल्पकर्ता विजय कृष्ण मूर्ति महाराज स्वयं र्यालीको नेतृत्व गर्दै हुनुहुन्थ्यो। उहाँले भावुक हुँदै भन्नुभयो,
“धार्मिक जागरण कुनै जात–धर्मको विषय होइन, यो त मानवता र एकताको मूल स्रोत हो। आजको उत्साहले पुष्टि गर्यो—पोखराको हृदय धर्मप्रति खुला छ।”
यो महायज्ञ केवल कोटी आहुति दिने कर्मकाण्ड होइन, समाजमा प्रेम, सद्भाव, र आत्मिक उन्नतिको आह्वान हो। यसैबेला मानवसेवा फाउण्डेशनले आगामी दिनहरूमा थप कार्यक्रमहरू—बैशाख १३ मा मोटरसाइकल र्याली, १४ मा फेवातालमा डुङ्गा र्याली, १६ मा बृहत् कशलयात्रा—सम्पन्न गर्ने तयारी गरिरहेको छ। बैशाख ११ को साइकल र्यालीले नै महायज्ञको उद्घोष गरिसकेको छ।
पोखरा आज बोलेको छ—भजनमा, नारामा, र जन–मनमा।
यो ट्याक्सी र्यालीले न त केवल प्रचार गर्यो, न त केवल यात्रु लिएर हिँड्यो—यसले पोखरा सहरलाई एकै धागोमा गाँस्यो, धर्म र समाजसेवाको सुगन्धमा।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया