इलाम । सामुदायिक विद्यालयमा प्रविधिमैत्री शिक्षाको अभ्यास विस्तार गर्ने उद्देश्यले सूर्योदय नगरपालिका–५ ले यहाँको समाल्बुङ माध्यमिक विद्यालयका विद्यार्थीलाई ‘स्टिम एजुकेसन’ सम्बन्धी पाँचदिने प्रशिक्षण सञ्चालन गरेको छ । विज्ञान, प्रविधि, इन्जिनियरिङ, कला र गणित समावेश हुने ‘स्टिम एजुकेसन’बारे जानकारी दिन कक्षा ८, ९ र १० का ४० विद्यार्थीलाई लक्षित गरेर प्रशिक्षण कार्यक्रम सञ्चालन गरिएको वडाध्यक्ष उर्गेन बम्जनले जानकारी दिनुभयो ।
परम्परागत शिक्षण सिकाइबाट बाहिर निस्केर विद्यार्थीलाई प्रविधिमार्फत अन्वेषणमुखी सिकाइतर्फ प्रेरित गर्न आवश्यक रहेकाले प्रशिक्षण आयोजना गरिएको र यसले शिक्षाको गुणस्तर सुधारमा योगदान पुग्ने विश्वास व्यक्त गर्नुभयो । नगरपालिकाका प्रमुख प्रशासकीय अधिकृत विज्ञान कोइरालाले विद्यार्थीलाई सैद्धान्तिक सिकाइ अभ्यासले शैक्षिक उपलब्धि हासिल गर्न नसकिने भएकाले समूहगत छलफल, अनुभव आदानप्रदान र अनुसन्धानमुखी सिकाइमा जोड दिइएको बताउनुभयो ।
त्यसका लागि ‘स्टिम एजुकेसन’ प्रशिक्षण उपयोगी हुने उहाँको भनाइ छ । सहजकर्ता अस्विन जोशीले विद्यार्थीलाई विभिन्न विद्युतीय उपकरणको कार्यप्रणाली, स्वचालित प्रणाली निर्माण र ‘थ्रिडी प्रिन्टिङ’को प्रयोगबारे सिकाइ भइरहेको जानकारी दिनुभयो । उहाँले सरकारी विद्यालयमा थ्रिडी प्रिन्टिङको अभ्यास दुर्लभ भए पनि वडाले प्रिन्ट उपलब्ध गराएर विद्यार्थीलाई प्रयोगात्मक सिकाइमा जोड दिएको बताउनुभयो । “विद्यार्थीले आफूले कल्पना गरेको वस्तु आफैँ डिजाइन र प्रिन्ट गर्न सक्छन् ।
यसबाट जीवनोपयोगी ज्ञान र सीप हासिल हुनेछ”, जोशीले भन्नुभयो । प्रशिक्षणका स्रोतव्यक्ति कुशल भट्टले अनुसन्धान, पाठ्यक्रम निर्माण, प्रशिक्षण तथा विश्वविद्यालय तहको शिक्षणमा रुचि राख्ने विद्यार्थीका लागि ‘स्टिम’ शिक्षाले नयाँ अवसर सिर्जना गर्ने बताउनुभयो । यसैबीच, वडा नं ५ कार्यालयले विद्यार्थी र शिक्षकमा पठन संस्कृति विकास गर्न दुईवर्षे अभियानसमेत सुरु गरेको जनाएको छ । अभियानमा यहाँका सात सामुदायिक विद्यालयका २१४ विद्यार्थी र ३५ शिक्षक सहभागी छन् ।
वडाध्यक्ष बम्जनले रचनात्मक लेखन, प्रस्तुतीकरण र आलोचनात्मक विश्लेषण क्षमता विकास गर्न नियमित कक्षा सञ्चालन गरिने जानकारी दिनुभयो । विद्यार्थीको सिकाइ र शिक्षक शिक्षण सीप सुधार गर्ने उद्देश्यले पाइला फाउन्डेसन नेपालसँगको सहकार्यमा १५ दिनअघि अभियान सुरु गरिएको उहाँले बताउनुभयो ।
रासस- २०८३-०१-२७
10 घण्टा अगाडि
काठमाडौँ ।लेखापरीक्षणको प्रारम्भिक प्रतिवेदन सम्बन्धित निकायलाई उपलब्ध गराइएपछि१४ अर्ब ६३ करोड २६ ला
...
युनिकोड
मिति
रूपान्तरण 
प्रतिक्रिया
No approved comments yet. Be the first to comment!