युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं, भदौ १४ – नेपाल सरकारले दर्ता हुन नआएका अवैध सामाजिक सञ्जालहरू बन्द गर्ने तयारी गरेकोछ। सञ्चार तथा सूचना प्रविधि मन्त्री पृथ्वी सुब्बा गुरुङले दिएको अन्तिम समयसम्म दर्ता हुन नआउने सञ्जालहरू सञ्चालन हुन नपाउने भएकाछन।
नेपाल सरकारले यसअघि पनि पटक–पटक सूचना जारी गर्दै सबै सामाजिक सञ्जाललाई नेपालका नियम अनुसार दर्ता हुन आह्वान गरिसकेको थियो। तर अहिलेसम्म कुनै पनि प्लेटफर्मले नियम पूरा गरी दर्ता प्रक्रिया पूरा गरेको थिएन। यही कारणले अब सरकारले कडा कदम चाल्ने निर्णय गरेको हो।
मन्त्री सुब्बाले सञ्चार माध्यमसँग भनेका छन्, “हामीले अन्तिम चेतावनी दिइसक्यौं। दर्ता हुन नआएका सामाजिक सञ्जालहरू अब कानुनी रूपमा बन्द हुनेछन्। यसले प्रयोगकर्ताहरूको डेटा र सुरक्षा सुनिश्चित गर्नेछ।”
सामान्य नागरिकहरूले यस कदमलाई लिएर मिश्रित प्रतिक्रिया दिएका छन्। केहीले स्वागत गर्दै भनेका छन् कि यसले अवैध र अनियमित प्लेटफर्मको नियन्त्रण गर्न मद्दत गर्नेछ। तर केहीले चिन्ता व्यक्त गरेका छन् कि दैनिक जीवनमा प्रयोग हुने सामाजिक सञ्जाल बन्द भएमा सञ्चारमा समस्या हुनेछ।
विशेषज्ञहरूका अनुसार, “सामाजिक सञ्जाल बिना नियम सुरक्षित हुँदैन। दर्ता हुन नआएका प्लेटफर्म बन्द गर्नु आवश्यक कदम हो। यसले प्रयोगकर्ताको डेटा सुरक्षित राख्नेछ र गलत सूचना फैलिन रोक्नेछ।”
नेपालमा सामाजिक सञ्जाल दर्ता प्रक्रिया नयाँ होइन। तर यसअघि भएका चेतावनीका बावजुद कुनै प्लेटफर्मले दर्ता प्रक्रिया पूरा नगरेको हुँदा सरकारले अब अन्तिम कदम चाल्ने तयारी गरेको हो।
यस घटनाले आम नागरिक र डिजिटल प्रयोगकर्ताहरूबीच चिन्ता र चासो बढाएको छ। भदौ १९ पछि दर्ता गर्न नआएका सामाजिक सञ्जालहरू बन्द हुने कि थप समय दिइने भन्ने कुरा अझै प्रस्ट छैन।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया