युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
अमेरिका ,जुन १८-मध्यपूर्वमा इरान–इजरायल युद्धले भयंकर रुप लिँदै गएको छ। अमेरिकी पूर्वराष्ट्रपति डोनाल्ड ट्रम्पले सोमबार राति एक सार्वजनिक सम्बोधनमार्फत इरानलाई सीधा धम्की दिँदै भने, “अब कुनै युद्धविराम हुँदैन, आत्मसमर्पणको अन्तिम मौका दिन्छु – नत्र इरान नक्साबाटै मेटिनेछ।”
उनको यो अभिव्यक्तिले युद्धको आगोमा तेल थपेको छ। इजरायलले तेहरानमाथि लक्षित मिसाइल आक्रमण तेज पारेको छ भने इरानले पनि सयौं ड्रोन र मिसाइल प्रहार गर्दै युद्धलाई ‘पूर्ण जवाफी मोड’मा प्रवेश गराएको छ।
ट्रम्पले इरानका सर्वोच्च नेता खमेनेईलाई ‘Easy Target’ को रूपमा चित्रण गर्दै भने, “हामीलाई उनी कहाँ छन् स्पष्ट थाहा छ। अहिले नमार्नुको अर्थ उनीहरूलाई अन्तिम चेतावनी दिनु हो।” उनले स्पष्ट पारे, यदि इरानले अमेरिकी नागरिक, सैनिक वा मित्रराष्ट्रमाथि आक्रमण जारी राख्यो भने, जवाफ 'सभ्यता परिवर्तन' हुने खालको हुनेछ।
“म तेहरानका आमनागरिकलाई भन्छु – शहर छोड्नुस्। तपाईंहरू निहत्था हुनुहुन्छ तर युद्ध निर्दयी छ,” ट्रम्पले भने। अमेरिकी गुप्तचर स्रोतहरूका अनुसार युद्धको दोस्रो चरणमा अमेरिकाले प्रत्यक्ष हस्तक्षेप गर्नसक्ने तयारी थालिसकेको छ।
इजरायली वायुसेनाले गत राति नतान्जस्थित इरानी आणविक अनुसन्धान केन्द्रमा आक्रमण गरेको पुष्टि भएको छ। सो हमलामा रिभोल्युशनरी गार्डका शक्तिशाली कमाण्डर अली शाद्मानी मारिएका छन्। इरानले त्यसको बदला स्वरूप इजरायली शहर तेलअविव, हाइफा, र एशदोडतर्फ मिसाइल र ड्रोन आक्रमण तीव्र पारेको छ।
क्यानाडामा भइरहेको G7 सम्मेलनलाई ‘दोस्रो प्राथमिकता’ भन्दै ट्रम्पले तुरुन्त अमेरिका फर्किने घोषणा गरेका छन्। उनले भने, “यो अब केवल मध्यपूर्वको मामिला होइन, यो मानवताको रक्षाको प्रश्न हो।”
अन्तर्राष्ट्रिय बजारमा कच्चा तेलको मूल्य १०२ डलर प्रति ब्यारल पुगेको छ। वाल स्ट्रीट, टोकियो, लण्डन लगायत विश्व स्टक बजारमा भारी गिरावट आएको छ। विकासशील देशहरूमा मुद्रास्फीति उकालो लागेको, नेपालमा समेत पेट्रोलियम संकटको संकेत देखिन थालेको छ।
संयुक्त राष्ट्रसंघले युद्ध तुरुन्त रोकिनु पर्ने भन्दै विश्व नेताहरूलाई आकस्मिक हस्तक्षेपको अपिल गरेको छ। यद्यपि ट्रम्प र इजरायली नेताहरू अहिले नै पछि हट्ने संकेत दिइरहेका छैनन्।
डोनाल्ड ट्रम्पको कठोर अभिव्यक्ति र इजरायली आक्रमणको तीव्रता हेर्दा इरान–इजरायल युद्ध अब सिमित छैन। यो अब क्षेत्रीय युद्ध नभएर सम्भावित वैश्विक संकटको प्रारम्भिक संकेत बन्दै गएको छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया