युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
पोखरा, जेठ १५ — नेपाली सनातन धर्म र आध्यात्मिक चेतनाको पुनर्जागरणको एक अनुपम उदाहरणका रूपमा, गण्डकी शतकुण्डीय गायत्री कोटीहोम विराट ज्ञान महायज्ञ ऐतिहासिक सम्पन्नताको दिशातर्फ अघि बढिरहेको छ। यो यज्ञका स्रष्टा, संयोजक र आध्यात्मिक ज्योति फैलाउने अग्रदूत हुन् — विजय कृष्ण मुर्ति महाराज। उहाँको जीवन, साधना र संकल्पले अहिलेको नेपाललाई नै धर्म, संस्कृति र एकताको मूल केन्द्रमा राख्न सफल भएको छ।
शुरुबाटै महाराजको अगुवाइमा सम्पन्न भएको यो महायज्ञमा हालसम्म १२ लाखभन्दा बढी श्रद्धालु सहभागी भइसकेका छन्। भारतलगायत विदेशबाट समेत भक्तजन गाडी रिजर्भ गरेर आउने क्रमले यो यज्ञको अन्तर्राष्ट्रिय प्रभाव स्पष्ट पारेको छ। बुधबार मात्रै ३० हजार भक्तजन सहभागी भएका थिए।
"नेपालीको माया, पोखरेलीको माया" भन्दै भारतबाट विशेष निमन्त्रणामा आउनु भएकी अन्तर्राष्ट्रिय कथा वाचिका देवी प्रतिभाको उपस्थिति, राष्ट्रव्यापी वक्तृत्वकला प्रतियोगिता, निरन्तर हवन, पाठ, अनुष्ठान र सामाजिक सेवा– यिनै सबैले कोटीहोमलाई एक आध्यात्मिक विश्वविद्यालय बनाइदिएको छ।
रक्तदान, संस्कार शिक्षाका कार्यक्रम, तुला दान, चौरासी पूजा, ग्रहशान्तिदेखि लिएर श्रीसूक्त पाठ, हनुमान चालिसा, मृत्युञ्जय मन्त्रजस्ता असंख्य वैदिक कर्महरू निरन्तर सञ्चालित छन्। २१ कोटी दीप प्रज्ज्वलन, पितृ उद्धारका पाठ, समृद्धिका कामना– यिनै सबको संगम हो कोटीहोम।
गण्डकी किनारको पवित्र धूलोमा विजय कृष्ण मुर्ति महाराजले रोपेको यो धार्मिक चेतनाको बीउ, अब इतिहासमा सुनौलो अक्षरले लेखिन थालेको सत्य बनेको छ।
महाराज स्वयं कुनै श्रेय खोज्नुहुन्न, तर समयले उहाँलाई श्रेय दिइरहेको छ।
कोटीहोम अब जेठ २६ गते सम्पन्न हुँदैछ। तर यो केवल समापन होइन —
यो एक नयाँ युगको सुरुवात हो,
जहाँ नेपाली सभ्यता, सनातन धर्म र सांस्कृतिक गौरवले पुनः उठान पाउनेछन् —
विजय कृष्ण मुर्ति महाराजजस्ता साधकका कारण।अबको ११ दिन भित्रमा एकपटक कोटिहोमको दर्शन गरि लाभ लिन बिजय कृष्ण मुर्ती महाराजले सबैमा अपिल समेत गरेकाछन।
सम्बादाता
काठमाडौं,बिहीवार १२-गायक तथा संगितकार सुरज योञ्जनको नयाँ गीत “माया छ” म्यूजिक भिडियो सार ...
प्रतिक्रिया
No approved comments yet. Be the first to comment!