युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं, वैशाख १३–मोबाइल फोनको अत्यधिक प्रयोगले मानव स्वास्थ्यमा दीर्घकालीन असर पार्न सक्ने भन्दै स्वास्थ्य विज्ञहरूले सतर्क रहन आग्रह गरेका छन्। विश्व स्वास्थ्य संगठन (WHO) को अध्ययनमा मोबाइल विकिरणलाई सम्भावित क्यान्सरकारक घोषणा गरिएको छ।
सन् २०११ मा WHO अन्तर्गतको अन्तर्राष्ट्रिय क्यान्सर अनुसन्धान केन्द्र (IARC) ले मोबाइल फोनबाट निस्कने रेडियो फ्रिक्वेन्सी (RF) विकिरणलाई "मानवमा सम्भावित क्यान्सरकारक" (Group 2B) को सूचीमा राखेको हो। यसको अर्थ, लामो समय मोबाइलको अत्यधिक प्रयोगले क्यान्सरको खतरा निम्त्याउन सक्ने भए पनि वैज्ञानिक प्रमाण अझै निर्णायक छैन।
डब्लुएचओको ताजा प्रतिवेदनअनुसार सन् १९९४ देखि २०२२ सम्म गरिएका ५,००० भन्दा बढी अनुसन्धानको समिक्षामा मोबाइल प्रयोगको दर तिव्र गतिमा बढे पनि मस्तिष्क क्यान्सर वा टाउको-घाँटी क्यान्सरको दरमा उल्लेखनीय वृद्धि देखिएको छैन। वैज्ञानिकहरूले सिधा सम्बन्ध अस्वीकार गरे पनि दीर्घकालीन जोखिम अस्वीकार गर्न नसकिने बताएका छन्।
काठमाडौंका न्यूरो सर्जन डा. अभिषेक श्रेष्ठ भन्छन्, "मोबाइल फोन शरीरको नजिक राखेर लामो समय प्रयोग गर्दा स्नायुतन्त्रमा असर गर्न सक्छ। खासगरी निद्रामा गडबडी, ध्यान एकाग्रतामा कमी, र टाउको दुख्ने जस्ता समस्या देखिएका छन्।"
यस्तै, टेक्नोलोजी विज्ञ र डब्लुएचओ पूर्व सल्लाहकार डा. एलिसा फोस्टरको भनाइ छ: “हामी मोबाइल रेडियसन पूर्ण सुरक्षित छ भनेर भन्न सक्दैनौं। त्यसैले न्यूनतम प्रयोग गर्नु र सुरक्षात्मक उपाय अपनाउनु नै बुद्धिमानी हो।”
स्वास्थ्य विशेषज्ञहरूले मोबाइल विकिरणको सम्भावित असरबाट जोगिनका लागि केही उपायहरू अपनाउन सुझाव दिएका छन्: लामो संवादको लागि हेडफोन वा स्पिकर मोडको प्रयोग गर्नु, मोबाइल राति शिरको छेउमा नराख्नु, र बच्चाहरूलाई अनावश्यक मोबाइल प्रयोगबाट जोगाउनु।
स्वास्थ्य तथा जनसंख्या मन्त्रालयले मोबाइल विकिरणसम्बन्धी चेतना अभिवृद्धिका लागि सचेतनामूलक कार्यक्रम सञ्चालन गर्ने तयारी गरिरहेको जनाएको छ। मन्त्रालय स्रोतका अनुसार विद्यालयस्तरमै जानकारीमूलक कक्षा सञ्चालनको योजना बनाइएको छ।
सम्बादाता१९ चैत, काठमाडौं । आगामी आर्थिक वर्ष २०७८/७९ को बजेटमा स्थानीय विकास साझेदार कार्यक्रममा प्रत्येक सा ...
प्रतिक्रिया