युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं।नेपाल वैदेशिक रोजगार व्यवसायी संघ भित्रको निर्णय प्रक्रियालाई लिएर विवाद चुलिँदै गएको छ। संघका सल्लाहकार नवराज केसीलाई पदमुक्त गरिएको विषयमा परेको उजुरीपछि जिल्ला प्रशासन कार्यालय काठमाडौं ले औपचारिक रूपमा स्पष्टीकरण माग्दै हस्तक्षेप गरेको हो।
प्रशासनद्वारा जारी पत्रमा संघको मिति २०८३/०१/०७ को निर्णयअनुसार सल्लाहकार केसीलाई पदबाट हटाइएको उल्लेख भए पनि सो निर्णय कुन आधारमा र कसरी गरिएको हो भन्नेबारे स्पष्ट जानकारी मागिएको छ। उजुरीका आधारमा प्रशासनले निर्णय प्रक्रियामाथि नै प्रश्न उठाउँदै आवश्यक कागजात पेश गर्न निर्देशन दिएको हो।
विशेषगरी, सो दिन बसेको कार्यसमितिको बैठकको माइन्युट बुक, निर्णयसम्बन्धी कागजात तथा अन्य प्रमाणहरू तुरुन्त उपलब्ध गराउन प्रशासनले भनेको छ। पत्रमा तोकिएको समयभित्र विवरण पेश नगरे थप कानुनी प्रक्रिया अघि बढ्न सक्ने संकेतसमेत गरिएको छ।
यो घटनाले वैदेशिक रोजगार क्षेत्रभित्रको आन्तरिक व्यवस्थापन र पारदर्शितामाथि गम्भीर प्रश्न उठाएको छ। संघभित्रै निर्णय प्रक्रियामा असन्तुष्टि बढ्दै गएको र त्यसले बाह्य निकायसम्म असर पार्न थालेको संकेत देखिएको छ।
प्रशासनको यो कदमलाई संघको आन्तरिक गतिविधिमा सरकारी निगरानी बढेको रूपमा पनि हेरिएको छ। अब संघले के जवाफ दिन्छ र प्रकरण कसरी अघि बढ्छ भन्ने विषयमा सम्बन्धित क्षेत्रको चासो केन्द्रित भएको छ।
सम्बादाता
काठमाडौं । टोखा नगरपालिकाले आफ्ना शैक्षिक संस्थानहरूमा कक्षा ११ मा अध्ययन गर्न इच्छुक विद्यार्थीहरूक ...
प्रतिक्रिया
No approved comments yet. Be the first to comment!