युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं ,माघ ७– प्रतिनिधिसभा सदस्यका लागि दर्ता भएका उम्मेदवारमध्ये पाँचजनाविरुद्ध उजुरी परेपछि निर्वाचन आयोगले आज अन्तिम नामावली सार्वजनिक गर्न लागेको छ।
निर्वाचन आयोगका प्रवक्ता नारायणप्रसाद भट्टराईका अनुसार भक्तपुर निर्वाचन क्षेत्र नं. २ का दुईजना, सुनसरी निर्वाचन क्षेत्र नं. २ का एकजना, रौतहट निर्वाचन क्षेत्र नं. १ का एकजना र कैलाली निर्वाचन क्षेत्र नं. १ का एकजना उम्मेदवारविरुद्ध उजुरी परेको थियो।
फागुन २१ गते हुने प्रतिनिधिसभा निर्वाचनका लागि माघ ६ गते देशभर कुल ३,४८७ उम्मेदवारको मनोनयनपत्र दर्ता भएको थियो। आयोगले निर्धारित तालिकाअनुसार बुधबार बिहान १० बजेदेखि दिउँसो ३ बजेसम्म उजुरी पेस गर्ने समय तोकेको थियो।
निर्वाचन आयोगले माघ ९ गते बिहान १० बजेदेखि दिउँसो १ बजेसम्म उम्मेदवारको नाम फिर्ता लिन सकिने व्यवस्था गरेको छ। सोही दिन दिउँसो १ बजेदेखि ३ बजेसम्म अन्तिम नामावली प्रकाशित गरिनेछ भने दिउँसो ४ बजेदेखि साँझ ७ बजेसम्म उम्मेदवारलाई निर्वाचन चिह्न प्रदान गरिने छ।
यसरी उम्मेदवारको अन्तिम सूची आज सार्वजनिक भएपछि प्रतिनिधिसभा निर्वाचनको तयारी पूर्ण रूपमा सुरु हुनेछ।
सम्बादाता
काठमाडौँ,माघ-१४, जनकपुरधाम बारामा धारिलो हतियार प्रहार गरी आमा–छोराको हत्या भएको छ भने बुवासहि ...
प्रतिक्रिया