युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौँ मङ्सिर १— आगामी प्रतिनिधिसभा सदस्य निर्वाचन सुरक्षाका लागि सरकार करिब सवा ३ लाख सुरक्षाकर्मी परिचालन गर्ने तयारीमा छ। गृहमन्त्री ओमप्रकाश अर्यालको अध्यक्षतामा आइतबार बसेको उच्चस्तरीय सुरक्षा समितिको बैठकले फागुन २१ मा हुने निर्वाचनलाई लक्षित गर्दै करिब ३ लाख १४ हजार सुरक्षाकर्मी परिचालन गर्ने निर्णय गरेको हो।
निर्णयअनुसार १ लाख ३० हजार म्यादी प्रहरी भर्ना गरिनेछ। साथै, नेपाली सेनाका ७९ हजार, नेपाल प्रहरीका ७२ हजार, सशस्त्र प्रहरीका ३३ हजार र राष्ट्रिय अनुसन्धान विभागका जनशक्ति समेत चरणबद्ध रूपमा खटाइने गृह मन्त्रालयले जनाएको छ।
मतदाता नामावली, मतदान केन्द्र र मतदानस्थलको अन्तिम सूची सार्वजनिक भएपछि सुरक्षा जनशक्ति सङ्ख्यामा आवश्यक परे समायोजन हुनेछ। हालका लागि सवा तीन लाखको हाराहारीमा जनशक्ति परिचालन गर्ने गरी निर्वाचन सुरक्षा कार्ययोजना स्वीकृत भएको हो।
गृह मन्त्रालयका प्रवक्ता आनन्द काफ्लेले सुरक्षा योजना २०७९ को प्रतिनिधिसभा निर्वाचनमा देखिएका चुनौतीका आधारमा अद्यावधिक गरिएको बताए। बैठकले ‘एकीकृत सुरक्षा योजना–२०८२’ पारित गर्दै सेना, प्रहरी, सशस्त्र प्रहरी, राष्ट्रिय अनुसन्धान विभाग र म्यादी प्रहरीलाई समन्वित ढङ्गले परिचालन गर्ने निर्णय गरेको छ।
सम्बादाता
उत्तरी रसुवामा निर्माणाधीन रसुवागढी जलविद्युत् आयोजनाको विद्युत्गृहमा उपकरण जडान कार्य द्रुतरूपमा अग ...
प्रतिक्रिया