युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं, मंसिर १ – नेपाली क्रिकेटको ठूलो फ्रेन्चाइज प्रतियोगिता ‘नेपाल प्रिमियर लिग (एनपीएल)’ को दोस्रो संस्करण आज कीर्तिपुरस्थित त्रिवि क्रिकेट मैदानमा सुरु हुँदै छ। पहिलो खेलमा साविक विजेता जनकपुर बोल्ट्स र काठमान्डु गोर्खाज भिड्ने छन्।
यसपटकको एनपीएललाई धेरै नै महत्वपूर्ण मानिएको छ, किनकि नेपाली क्रिकेट इतिहासमै पहिलोपटक फ्लडलाइटमा २३ खेल हुनेछन्। त्यसका लागि कीर्तिपुर मैदानमा नयाँ लाइट, पावर ब्याकअप, दर्शकका लागि सहज यात्रा, इन्ट्री–एक्जिट, सुरक्षा र अन्य आवश्यक संरचना मिलाएर तयारी पूरा गरिएको क्यानले जनाएको छ। पिच, आउटफिल्ड र मैदानको समग्र मर्मतलाई पनि प्राथमिकता दिइएको छ।
व्यवस्थापन पक्ष पनि यसपटक निकै सक्रिय छ। सुरक्षा, दर्शक व्यवस्थापन, टिम अभ्यास तालिका, बस–रुट, सञ्चारकर्मीका लागि सुविधा, भीड नियन्त्रण, प्रसारण तयारी लगायत सबै काम कडा तालिकाअनुसार मिलाइएको छ।
दिउँसो ४ बजे सुरु हुने उद्घाटन खेलले समर्थकहरूमा ठूलो उत्साह पैदा गरेको छ। टिकट बिक्री, मेर्चेन्डाइज र प्रचार–प्रसारमा पनि चहलपहल बढेको देखिन्छ। विदेशी खेलाडी, नयाँ अनुबन्धित नेपाली खेलाडी र डे–नाइट खेलको रोचकताले यसपटकको एनपीएललाई झन् आकर्षक बनाएको छ।
मंसिर २७ सम्म सञ्चालन हुने एनपीएलमा आठ टिम— जनकपुर बोल्ट्स, सुदूरपश्चिम रोयल्स, कर्णाली याक्स, पोखरा एभेन्जर्स, विराटनगर किग्स, चितवन राइनोज, काठमान्डु गोर्खाज र लुम्बिनी लायन्स — प्रतिस्पर्धामा छन्। कुल ३२ खेलमध्ये नौ दिउँसो र २३ फ्लडलाइटमा हुनेछन्।
आजबाट सुरु हुने एनपीएलले फेरि देशभर क्रिकेटको उत्साह बढाउने विश्वास गरिएको छ।
सम्बादाता
काठमाडौँ-सुनचाँदी बजारमा साताको पहिलो कारोबार दिन आज छापावाल सुनको मूल्य प्रति तोला रु एक लाख ५०० तो ...
प्रतिक्रिया