युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
संवाददाता
न्युयोर्क । यमनका हुथी विद्रोहीको आक्रमण बढिरहेका बेला अमेरिकी राष्ट्रपति डोनाल्ड ट्रम्पले साउदी अरेबियालाई इजरायलको सहयोग स्वीकार गर्न सुझाव दिएका छन्। उनले साउदी र इजरायलबीच सम्बन्ध सामान्य बनाउने सम्भावना पनि बढेको बताएका छन्।
सन् २०२३ अक्टोबर ७ मा हमासले इजरायलमा आक्रमण गर्नुअघि दुवै देश सम्बन्ध सामान्य बनाउने सम्झौताको नजिक पुगेका थिए। तर साउदी अरेबियाले प्यालेस्टिनी राज्य स्थापनाका लागि स्पष्ट मार्ग सुनिश्चित हुनुपर्ने अडान राख्दै आएको छ।
यसैबीच, इरानले हुथीका आक्रमणमा आफ्नो संलग्नता अस्वीकार गर्दै द्वन्द्व अन्त्यका लागि मध्यस्थता गर्न तयार रहेको जनाएको छ।
यमनको सरकारले हुथी विद्रोहीले एडन विमानस्थलमा दुईवटा क्षेप्यास्त्र प्रहार गरेको आरोप लगाएको छ। ती क्षेप्यास्त्र कायरो जान लागेको विमाननजिक खसेका थिए। सम्भावित आक्रमण र उडान अवरोधलाई ध्यानमा राख्दै साउदी अरेबियास्थित अमेरिकी दूतावासले आफ्ना नागरिकलाई सतर्क रहन आग्रह गरेको छ।
हुथी सैन्य प्रवक्ता याह्या सारीले पछिल्लो २४ घण्टामा साउदी लडाकु विमानले यमनका विभिन्न क्षेत्रमा १०१ वटा हवाई तथा क्षेप्यास्त्र आक्रमण गरेको दाबी गरेका छन्। उता, साउदी नेतृत्वको सैन्य गठबन्धनले यानबुतर्फ प्रहार गरिएको एक ब्यालिस्टिक क्षेप्यास्त्र, लाल सागरमा दुई क्रुज क्षेप्यास्त्र र तीन ड्रोन नष्ट गरेको जनाएको छ।
हुथीका आक्रमण र जवाफी कारबाही तीव्र बन्दै जाँदा साउदी अरेबियाको ऊर्जा पूर्वाधार तथा लाल सागरका महत्त्वपूर्ण समुद्री मार्गको सुरक्षाबारे चिन्ता बढेको छ।
संवाददाता
काठमाडौं । नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले नेकपा एमालेसँग प ...
प्रतिक्रिया
No approved comments yet. Be the first to comment!