युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
संवाददाता
काठमाडौं । आईसीसी क्रिकेट विश्वकप लिग–२ अन्तर्गत ओमानविरुद्धको खेलमा नेपालले २६३ रन बनाएको छ। मंगलबार ओमानस्थित अल अमिरात क्रिकेट मैदानमा टस जितेर पहिले ब्याटिङ गरेको नेपालले निर्धारित ५० ओभरमा ८ विकेट गुमाउँदै २६३ रन बनाएको हो।
नेपालका लागि कप्तान रोहित पौडेलले सर्वाधिक ६१ रन बनाए। उनले ६७ बलमा ३ चौका र १ छक्का प्रहार गरे। अर्जुन कुमालले ४०, इशान पाण्डेले ३७ र बशिर अहमदले ३७ रनको योगदान दिए। दीपेन्द्रसिंह ऐरीले २२ रन जोडे।
अन्तिम ओभरतिर करण केसीले आक्रामक ब्याटिङ गर्दै ४ बलमा अविजित ६ रन बनाए। नन्दन यादव ७ रनमा अविजित रहे।
ओमानका लागि शाह फैसल र शकिल अहमदले समान २–२ विकेट लिए भने करण सोनावलेले पनि २ विकेट हात पारे।
अब ओमानले जितका लागि ५० ओभरमा २६४ रन बनाउनुपर्नेछ। नेपालका लागि यो खेल आईसीसी विश्वकप लिग–२ मा शीर्ष ६ स्थानमा रहँदै एकदिवसीय अन्तर्राष्ट्रिय (ओडीआई) मान्यता जोगाउने दृष्टिले महत्त्वपूर्ण छ।
संवाददाता
काठमाडौं । नेपाली क्रिकेटको चर्चित प्रतियोगिता नेपाल प्रिमियर लिग (एनपीएल) को तेस्रो संस्करण सोमबारद ...
प्रतिक्रिया
No approved comments yet. Be the first to comment!