युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
उमा कार्की
धनकुटा । धनकुटामा तास खेलिरहेको अवस्थामा श्रम संस्कृति पार्टीका धनकुटा नगर सचिव तेजबहादुर मगरसहित आठ जना पक्राउ परेका छन् । धनकुटा नगरपालिका-१ हिलेस्थित सिताराम श्रेष्ठको पाँचतले घरको भूमिगत कोठामा तास खेलिरहेको सूचना पाएपछि जिल्ला प्रहरी कार्यालय धनकुटाबाट प्रहरी टोली पुगेको थियो ।
तास खेलिरहेको अवस्थामा आठ जनालाई नियन्त्रणमा लिएर आवश्यक अनुसन्धानका लागि जिल्ला प्रहरी कार्यालयमा ल्याइएको जिल्ला प्रहरी कार्यालय धनकुटाका प्रमुख प्रहरी उपरीक्षक नारायण रञ्जितकारले जानकारी दिए ।
पक्राउ पर्नेमा धनकुटा नगरपालिका-१ का ४४ वर्षीय मगरसहित ५२ वर्षीय मोहनबहादुर विक, ४५ वर्षीय रमेश राई, ३८ वर्षीय सविन तामाङ र ५३ वर्षीय रमेश भण्डारी छन् । त्यस्तै, धनकुटा नगरपालिका-२ का ३२ वर्षीय दिपेन्द्र मगर, धनकुटा नगरपालिका-१० का ५० वर्षीय रमेश कार्की र महालक्ष्मी नगरपालिका-८ का ३६ वर्षीय रामकाजी विक पनि पक्राउ परेका छन् ।
प्रहरीले घटनास्थलबाट १ लाख १४ हजार ५ सय ५० रुपैयाँ नगद, चार बुङ खुला तास र विभिन्न अंक लेखिएका ११९ वटा गोटी बरामद गरेको जनाएको छ । बरामद गोटीमध्ये ५ अंक लेखिएका ५९ वटा, २० अंकका २० वटा, ५० अंकका २० वटा र ५०० अंकका २० वटा रहेका छन् । पक्राउ परेका व्यक्तिहरू तथा बरामद सामग्री जिल्ला प्रहरी कार्यालय धनकुटामा राखेर घटनाबारे थप अनुसन्धान भइरहेको प्रहरी उपरीक्षक रञ्जितकारले बताए ।
उमा कार्की
चङ्खेली गाउँपालिका–६ स्थित मेल्छाम स्वास्थ्य चौकीका इन्चार्ज हर्क बुढाका अनुसार मृत्यु हुनेहरू ...
प्रतिक्रिया
No approved comments yet. Be the first to comment!