युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
रसुवा । भाद्र १० गते लेन्दे खोला हुँदै भोटेकोशीमा आएको विनाशकारी बाढीबाट रसुवाको नौकुण्ड गाउँपालिकाका ६२ जना बेपत्ता भएका छन्।
गाउँपालिकाका उपाध्यक्ष चन्द्रबहादुर गलनका अनुसार बाढीले नौकुण्डका बस्तीमा प्रत्यक्ष ठूलो क्षति नपुर्याए पनि कामको सिलसिलामा सीमानाका तथा जलविद्युत् आयोजनामा कार्यरत ६२ जना सम्पर्कविहीन भएका हुन्। उनीहरूमध्ये अधिकांश रसुवागढीको टिमुरे र केरुङ क्षेत्रबाट सम्पर्कविहीन भएका छन्।
बाढीबाट रसुवामा ठूलो मात्रामा भौतिक क्षति भएको जिल्ला प्रशासन कार्यालयले जनाएको छ। सहायक प्रमुख जिल्ला अधिकारी ध्रुवप्रसाद अधिकारीका अनुसार प्रारम्भिक विवरणमा २८ सरकारी तथा सार्वजनिक भवन, आठ सामुदायिक र तीन निजी विद्यालय, १४ बैंक तथा वित्तीय संस्था, एक पेट्रोल पम्प र करिब १ हजार ५ सय निजी घरमा क्षति पुगेको छ।
त्यस्तै, बाढीले ४१ किलोमिटर सडक, ६ पक्की पुल, आठ बेलीब्रिज र १० झोलुङ्गे पुल बगाएको छ।
भोटेकोशी, त्रिशूली र लाङ्टाङ खोलामा निर्माणाधीन तथा सञ्चालनमा रहेका आठ जलविद्युत् आयोजनामा पूर्ण क्षति पुगेको प्रशासनले जनाएको छ।
क्षति पुगेका आयोजनामा १११ मेगावाटको रसुवागढी, १२० मेगावाटको भोटेकोशी, २० मेगावाटको चिलिमे, २० मेगावाटको लाङ्टाङ खोला, २१६ मेगावाटको माथिल्लो त्रिशूली–१, ५ मेगावाटको मैलुङ खोला, ६० मेगावाटको माथिल्लो त्रिशूली–३ ‘ए’ र ३७.३ मेगावाटको त्रिशूली–३ ‘बी’ रहेका छन्।
सम्बादाता
सङ्खुवासभा । पाँचखपन नगरपालिका-८ पोख्राङमा वर्षासँगै परेको चट्याङ लागेर एक जनाको मृत्यु भएको छ भने द ...
प्रतिक्रिया
No approved comments yet. Be the first to comment!