युनिकोड
मिति
रूपान्तरण 
खोज पत्रकारिता
खोज पत्रकारिता
संम्बाददाता
काठमाडौं । अख्तियार दुरुपयोग अनुसन्धान आयोग ले झलक राम अधिकारी विरुद्ध भ्रष्टाचार तथा सम्पत्ति शुद्धीकरणसम्बन्धी आरोपमा विशेष अदालतमा मुद्दा दायर गरेको छ। अधिकारी राजस्व अनुसन्धान विभाग का तत्कालीन महानिर्देशक हुन्।
आयोगले जारी गरेको प्रेस विज्ञप्तिअनुसार अधिकारीले एच.के. इन्टरप्राइजेज प्रा.लि. सँग सम्बन्धित राजस्व चुहावटको अनुसन्धानबाट बचाइदिने र सहजीकरण गरिदिने भन्दै कम्पनीका सञ्चालक श्रीकृष्ण श्रेष्ठ बिज्यू बाट ७० लाख रुपैयाँ घुस लिएको आरोप छ।
अनुसन्धानका क्रममा अधिकारीले उक्त रकमलाई लुकाउन विकास चापागाईं, देवेन्द्र के.सी. र रविन्द्र लामिछाने लगायतसँग मिलेमतो गरी विभिन्न बैंक खातामार्फत रकम तहिकरण गरेको आयोगले जनाएको छ।
अख्तियारका अनुसार घुस रकम ग्लोबल आइएमई बैंक, लुम्बिनी विकास बैंक र लक्ष्मी सनराइज बैंक लगायतका वित्तीय संस्थाका खातामा जम्मा गरी रकमको स्वरूप परिवर्तन गरिएको थियो।
त्यसपछि उक्त रकमबाट भक्तपुरको मध्यपुर थिमी नगरपालिका स्थित दिव्यश्वरी आयोजनाभित्रको कित्ता नम्बर ९९८ मा १६४.१४ वर्गमिटर जग्गा खरिद गरिएको पाइएको छ। साथै, घुसबाट प्राप्त रकमको केही भाग द कुटी रिसोर्ट सँग सम्बन्धित कर्जा भुक्तानीमा समेत प्रयोग गरिएको अनुसन्धानबाट खुलेको छ।
अख्तियारले झलक राम अधिकारीसहित संलग्न व्यक्तिविरुद्ध भ्रष्टाचार तथा सम्पत्ति शुद्धीकरणसम्बन्धी कसुरमा विशेष अदालतमा आरोपपत्र दायर गरेको जनाएको छ।
संम्बाददाता
काठमाडौं । राष्ट्रिय स्वतन्त्र पार्टी (रास्वपा)का उपसभापति डोलप्रसाद अर्यालले जनताको आशा र विश्वासला ...
प्रतिक्रिया
No approved comments yet. Be the first to comment!